តាមសេចក្តីថ្លែងការណ៍របស់ស្ថានទូតអាមេរិក វ៉ាក់សាំងក្រុមហ៊ុន Moderna  បានដឹកមកដល់វៀតណាមហើយ តាមរយៈយន្តការណ៍COVAX។ វ៉ាក់សាំងនេះ គឺជាផ្នែកមួយនេះគម្រោងរបស់លោកប្រធានាធិបតីអាមេរិក ចូ បៃឌិន ដែលផ្តល់វ៉ាក់សាំង ៨០លានដូស ឱ្យប្រទេសកំពុងអភិវឌ្ឍ ដើម្បីប្រយុទ្ធជាមួយជំងឺឆ្លងសកល។ 
 

ថ្លែងក្នុងកម្មវិធីប្រគល់វ៉ាក់សាំងបង្ការជំងឺកូវីដ-១៩ ភារធារីអាមេរិក លោកChristopher Klein បានសង្កត់ធ្ងន់ថា វ៉ាក់សាំងទាំងនេះ គឺជាក្តីសង្ឃឹមក្នុងការប្រយុទ្ធប្រឆាំងជាមួយជំងឺឆ្លងសកល និងជាក្តីសង្ឃឹមសម្រាប់មនុស្សគ្រប់រូប ដើម្បីមករស់នៅក្នុងគន្លងធម្មតាវិញ។ 
 

មកទល់ពេលនេះ វៀតណាម បានផ្តល់វ៉ាក់សាំង ៣,៩៨លានដូសហើយ ឱ្យប្រជាជនខ្លួន ខណៈមនុស្សចំនួន ២៥ម៉ឹននាក់ បានទទួលវ៉ាក់សាំងពេញលេញ។ វៀតណាម បានអនុញ្ញាតឱ្យប្រើប្រាស់វ៉ាក់សាំង ក្រុមហ៊ុន Moderna ជាបន្ទាន់នៅក្នុងខែមិថុនាកន្លងទៅ៕