ដ្បិតអាជ្ញាធរមិនបង្ហាញតួលេខជាក់លាក់របស់អ្នកឆ្លងកូវីដ-១៩ ប៉ុន្តែបើតាមស្ថិតិរបស់អនុគណៈកម្មការស្រាវជ្រាវអ្នកជំងឺកូវីដ-១៩ ក្នុងចំណោមអ្នកដែលវិជ្ជមានកូវីដ-១៩ កាលពីថ្ងៃទី១០កក្កដា មានជាង៣០ភាគរយ ជាអ្នកមានអាយុចន្លោះ ២៥-៣៤ឆ្នាំ។ 

 

អ្នកដែលមានអាយុពី ៣៥-៤៤ឆ្នាំ មានជិត២០ភាគរយ ហើយទារក និងកុមារ អាយុពី០-១៧ឆ្នាំ ក៏មានអត្រាជិត២០ភាគរយដែរ។ ជាង១៥ភាគច្រើន ជាពលរដ្ឋអាយុ ១៨-២៤ឆ្នាំ។ សល់ពីនេះ ជាពលរដ្ឋមានអាយុ ចាប់ពី ៤៥ឆ្នាំឡើងទៅ។ 

 

តាមស្ថិតិដដែល អ្នកឆ្លងជាបុរស មានចំនួន៥៦.៩ភាគរយ ដោយនៅខណ្ឌពោធិ៍សែនជ័យ មានជ័យ និងសែនសុខ មានអ្នកឆ្លងច្រើនជាងគេ។ បណ្តាខណ្ឌផ្សេងទៀតដែលមានករណីកូវីដ-១៩ដែលនោះមានខណ្ឌបឹងកេងកង ឫស្សីកែវ ដង្កោ កំបូល ទួលគោក ជ្រោយចង្វារ ៧មករា ដូនពេញ និងខណ្ឌព្រែកព្នៅ។ 

 

គិតត្រឹមថ្ងៃទី១២ កក្កដានេះ មានអ្នកជំងឺកូវីដ-១៩ ចំនួន ១០៣៣នាក់ កំពុងសម្រាកព្យាបាលនៅតាមផ្ទះ  ក្នុងនោះ ២៦៨នាក់ បាននជាសះស្បើយ។ នេះបើតាមលោក ងី មានហេង ប្រធានមន្ទីរសុខាភិបាលរាជធានីភ្នំពេញ។

 

សូមជម្រាបថា បច្ចុប្បន្ន កម្ពុជាមានអ្នកឆ្លងកូវីដ-១៩ សរុប ៦១៨៧០ នាក់ ក្នុងនោះករណីនាំចូលមានចំនួន ៤៨៧៣នាក់។ អ្នកជាសះស្បើយមាន ៥៣៤៧៧ នាក់ និងស្លាប់សរុប ៩២៥នាក់៕