១.ដឹងពីតម្រូវការប្រើប្រាស់កម្ចី និងទំហំកម្ចី៖ បងប្អូនត្រូវច្បាស់ខ្លួនឯងថា កម្ចីដែលយកមកនេះ នឹងជួយបង្កើនចំណូល ឬដោះស្រាយបញ្ហាចាំបាច់ណាមួយ ដើម្បីជួយសម្រាលដល់ជីវភាពខ្លួន ដូចជាយកទៅបន្ថែមទុករកស៊ី ការពង្រីកមុខរបរ និងចាប់ផ្តើមមុខរបរថ្មីជាដើម។
 

២.រៀបចំផែនការប្រើប្រាស់កម្ចីឲ្យចំគោលដៅ និងមានប្រសិទ្ធភាព៖ បងប្អូនក៏ត្រូវមានផែនការអាជីវកម្មលម្អិត ដែលបង្ហាញពីចំណូល ចំណាយ ឬហានិភ័យ នៃការខាតបង់ផ្សេងៗ ពីការដាក់ទុនបកន្ថែម ឬការវិនិយោគ ដែលអាចឱ្យអ្នកប៉ាន់ស្មានដឹងថា ពេលណាទើបអាចរួចបពីបំណុលបាន។
 

៣.សិក្សាពីប្រភពចំណូលផ្សេងទៀត៖ អ្នកត្រូវបូកប្រភពចំណូលរបស់អ្នក និងសមាជិកគ្រួសារទាំងអស់ ដើម្បីឲ្យច្បាស់ថា អ្នកអាចមានលទ្ធភាព ប្រើប្រាស់ប្រភពចំណូលទាំងនោះ ដើម្បីដោះស្រាយបំណុល ករណីមានបញ្ហាអ្វីមួយកើតឡើង ចំពោះអាជីវកម្ម ឬផែនការនៃការប្រើប្រាស់កម្ចី ដើម្បីជៀសវាងការប្រឈមសំពាធហិរញ្ញវត្ថុ និងការខ្វះលទ្ធភាពនៃការបង់ត្រឡប់ ដែលអាចឈានទៅការខ្ចីបុល ដើម្បីដោះបំណុល។

 

• អត្តសញ្ញាណបណ្ណ ឬលិខិតឆ្លងដែន ឬសៀវភៅគ្រួសារ
• កាតបុគ្គលិក ឬកិច្ចសន្យាការងារ 
• លិខិតបញ្ជាក់ប្រាក់បៀវត្សរ៍ ឬរបាយការណ៍ប្រាក់បៀវត្សរ៍ រយៈពេលពី១ ទៅ ៣ខែចុងក្រោយ ដែលចេញពីក្រុមហ៊ុន។