​មហោស្រពសិល្បៈចាប៉ីដងវែងឆ្នាំ២០២១ ប្រារព្ធឡើងក្រោមប្រធានបទ«យុវជន ដើម្បីវប្បធម៌ជាតិ»។ គោលបំណងនៃការរៀបចំមហោស្រពនេះ គឺដើម្បី​​​ចូលរួមថែរក្សាលើកស្ទួយ អភិរក្សតម្លៃសិល្បៈ វប្បធម៌ប្រពៃ​ណីជាតិ និងអត្ដសញ្ញាណជាតិ សំដៅរួមចំណែកអភិវឌ្ឍន៍សង្គម និងលើកកម្ពស់កិត្យានុ​ភាព​ជាតិ ជាពិសេសចាប៉ីដងវែង ដែលបានបញ្ចូលជាសម្បត្ដិបេតិកភណ្ឌវប្បធម៌អរូបី​របស់អង្គការយូណេស្កូកន្លងមក។

 

​គួរកត់សម្គាល់ថា មុនដល់ថ្ងៃប្រារព្ធមហោស្រពនេះ ក្រសួងបានអំពាវនាវដល់ សិល្បករ សិល្បការិនី ដែល​មានជំនាញ និងទេពកោសល្យលើទម្រង់សិល្បៈចាប៉ីដងវែង ចូលរួម​ប្រឡងក្នុងមហាស្រព​ដ៏មានសារៈសំខាន់នេះផងដែរ ក្នុងបុព្វហេតុថែរក្សា ការពារ និងលើកស្ទួយ​ទម្រង់​សិល្បៈចាប៉ី៕