ពេលចាកចេញនេះ លោក មាស ចាន់ណា គ្រូបង្វឹកណាហ្គាវើល ក៏បានផ្ដាំផ្ញើឱ្យកីឡាករក្លិបណាហ្គាវើល ត្រូវបន្តប្រឹងហ្វឹកហាត់ និងមានភាពស្មោះត្រង់ ដើម្បីកសាងកេរ្តិ៍ឈ្មោះ និងកិត្តិយសដែរ។

តាមរយៈហ្វេសប៊ុកផ្ទាល់ខ្លួន លោក មាស ចាន់ណា បានសរសេរដូច្នេះថា៖«បងសូមអរគុណដល់ប្អូនៗដែលជាកីឡាករណាហ្គាវើលទាំងអស់ ដែលយើងបានរួមរស់ជាមួយគ្នា ហត់នឿយជាមួយគ្នា សប្បាយជាមួយគ្នា។ តែពេលនេះជាពេលវេលាដែលយើងត្រូវបែកគ្នា បាល់ទាត់តែប៉ុណ្ណឹង ។ សូមប្អូនៗបន្តការហ្វឹកហាត់ឱ្យបានល្អ ដើម្បីអាជីពនិងក្តីសុបិន្តរបស់យើង។ បងសង្ឃឹមថាថ្ងៃណាមួយយើងនឹងធ្វើការជាមួយគ្នាម្តងទៀត ។ សូមផ្តាំប្អូនៗថា ភាពស្មោះត្រង់គឹសំខាន់ណាស់សម្រាប់ សាងកេរ្ត៍ឈ្មោះរបស់យើង ដូច្នេះប្អូនៗត្រូវចេះស្រលាញ់គ្នា គោរពគ្នា ឱ្យតំលៃគ្នា និងកែលម្អគ្នា»។