កម្មវិធីបណ្ដុះបណ្ដាលអាជីវករខ្នាតតូច និងមធ្យម រវាងក្រសួងទេសចរណ៍ និងក្រុមហ៊ុនកូកាកូឡានេះ នឹងធ្វើឡើងនៅរសៀលថ្ងៃទី២៧ ខែតុលា ឆ្នាំ២០២១ នាសាលាខេត្តកែប។ វគ្គ​បណ្ដុះ​បណ្ដាលនេះ នឹង​បង្រៀន​ដោយមន្រ្តីជំនាញ នៃក្រសួងទេសចរណ៍, អ្នកជំនាញបដិសណ្ឋាកិច្ច ដោយ​មានអាជីវករចូលរួមប្រមាណ៧០នាក់។
  

សូមបញ្ជាក់ថា កាលពីថ្ងៃទី១៥ ខែកុម្ភៈ ឆ្នាំ២០២១ ក្រសួងទេសចរណ៍ និងក្រុមហ៊ុនកូកាកូឡា ខេមបូឌា បេវេរេដ ខមប៉ានី លីមីធីត បាន​ចុះហត្ថលេខាលើអនុស្សរណៈយោគយល់គ្នា (MOU) ស្ដីពី«ការលើកកម្ពស់វិស័យទេសចរណ៍ ទីក្រុងស្អាត និងការអភិវឌ្ឍសមត្ថភាពអាជីវករលក់ដូរនៅតាមផ្លូវ (Street Food Vendors) ដើម្បីអនុវត្តកម្មវិធីបណ្ដុះបណ្ដាលនេះ។ កន្លងមក វគ្គបណ្ដុះបណ្ដាលនេះ ក៏ធ្លាប់បានធ្វើឡើងនៅខេត្តចំនួន៣ ដូចជាកោះកុង កំពង់ធំ និងបាត់ដំបងផងដែរ៕