កម្ពុជា ស្ថិតនៅក្នុងពូលK ជាមួយហុងកុង និងជប៉ុន ។ វគ្គជម្រុះនេះ មានប្រទេស៣៩ ចូលរួមប្រកួត ដោយបែងចែកជា១១ពូល គឺពូលA ដល់ K ។ នៅក្នុងចំណោមពូលទាំងនេះ គឺមានតែពូល F I និង K ប៉ុណ្ណោះ ដោយមានតែប្រទេសចំនួន៣ ត្រូវជួបគ្នា ខណៈពូលGមានតែក្រុម២តទល់គ្នា ក្រោយចិន និងព្រុយណេ ដកខ្លួនចេញ ។ ក្រៅពីនោះ គឺមាន៤ប្រទេសក្នុង១ពូល។

 

សម្រាប់ការប្រកួតជម្រុះនេះ គឺត្រូវយក១៥ក្រុម ឡើងទៅលេងនៅទឹកដី អូបេគីស្ថាន។ ក្នុងនោះពូលនីមួយៗ គឺយកអ្នកឈរលេខ១ នៅក្នុងតារាង ទាំង១១ពូល។ ចំណែក៤ក្រុមទៀត គឺត្រូវជ្រើសចេញពីក្រុមដែលទទួលបានចំណាត់លេខ២ល្អជាងគេ។

 

កាលពីឆ្នាំ២០២០ កូរ៉េខាងត្បូង គ្រងតំណែងជើងពានរង្វាន់ AFC U23 ASIAN Cup នេះ ដោយយកឈ្នះអារ៉ាប់ប៊ីសាអូឌីត ដោយលទ្ធផល១-០ នៅម៉ោងបន្ថែមនាទី១១៣ ដោយកីឡាករខ្សែការពារ Jeong Tae-Wook ៕