លោក Kretinsky វ័យ៤៦ឆ្នាំ ដែលសព្វថ្ងៃជាម្ចាស់ក្លិប Sparta Prague នៃលីគកំពូលឆែកផងនោះបានបង្ហាញក្តីរីករាយក្រោយក្លាយជាចំណែកមួយរបស់ក្លិបកម្រិតកំពូលរបស់អឺរ៉ុប។ មហាសេដ្ឋីដែលមានទ្រព្យជាង៤ពាន់លានដុល្លារអះអាងថា៖ «ខ្ញុំរីករាយណាស់ដែលដំណើរការទិញភាគហ៊ុនក្លិប West Ham សម្រេចបានជោគជ័យ។ ខ្ញុំស្រលាញ់កីឡាបាល់ទាត់។ ខ្ញុំពិតជាកោតសរសើរ និងគោរពនូវប្រវត្តិ និងប្រពៃណីដ៏ពិសេសរបស់ West Ham United»។
  

លោក Daniel Kretinsky មហាសេដ្ឋីសញ្ជាតិឆែក

ដោយឡែកក្លិបរហស្សនាមញញួរវិញ បាននិយាយនៅក្នុងសេចក្តីថ្លែងការណ៍របស់ខ្លួនថា៖ «កិច្ចព្រមព្រៀងនេះគឺជាការកែលម្អបន្ថែមទៀតចំពោះរចនាសម្ព័ន្ធ ពិសេសដើមទុនរបស់ក្លិប ដើម្បីឱ្យក្លិបអាចកាត់បន្ថយបំណុលរយៈពេលវែងរបស់ខ្លួន និងសមត្ថភាពក្នុងការបន្តដឹកនាំក្លិបកាន់តែប្រសើរឡើងមួយកម្រិតថែមទៀត»។
 

West Ham នៅដើមរដូវកាល ២០២១-២២នេះ ពួកគេបានបង្កើតភាពលេចធ្លោខ្លាំង បន្ទាប់ពីឡើងទៅឈរនៅលេខរៀងទី៣ ក្នុងតារាង Premier League។ មិនតែប៉ុណ្ណោះ ក្រុមដែលមានលោក David Moyes ជាអ្នកចាត់ការទូទៅ មានភាគរយខ្ពស់ក្នុងការឈានទៅវគ្គ១៦ក្រុមចុងក្រោយ UEFA Europa League និង EFL Cup វគ្គ ១/៤ ផ្តាច់ព្រ័ត្ររដូវកាលនេះផងដែរ៕