ខ្សែប្រយុទ្ធឆ្នើមក្រុម Paris Saint-Germain បានទៅដល់ទីលានហ្វឹកហាត់ Granja Comary នៅថ្ងៃទី១០ ខែវិច្ឆិកា ដើម្បីត្រៀមចូលរួមជាមួយក្រុមជម្រើសជាតិប្រេស៊ីលក្នុងការប្រកួតជម្រុះកីឡាបាល់ទាត់ពិភពលោកនៅកាតា ឆ្នាំ២០២២  តំបន់អាម៉េរិកឡាទីន។ 
  

ជំនួសឱ្យការជិះរថយន្តទំនើបៗរបស់ខ្លួន Neymar បានប្រើមធ្យោបាយធ្វើដំណើរតាមរយៈឧទ្ធម្ភាគចក្រ Mercedes-Benz Airbus H-145 ពណ៌ខ្មៅដ៏ស្រស់ស្អាត។ ឧទ្ធម្ភាគចក្រ ដែលជាផលិតផលរបស់ក្រុមហ៊ុន Mercedes ត្រូវបានខ្សែប្រយុទ្ធឆ្នើមវ័យ២៩ឆ្នាំ ចំណាយប្រាក់១២លានដុល្លារទិញយកកាលពីឆ្នាំ២០២០។
  

ប្រេស៊ីល ដែលឈរកំពូលតារាងនៃវគ្គជម្រុះ World Cup តំបន់អាមេរិកឡាទីនជាមួយពិន្ទុសរុប៣១ពិន្ទុ ពីការប្រកួត១១លើក ត្រូវទទួលក្រុមកូឡុំប៊ី ដែលស្ថិតនៅលេខ៤ នៅព្រឹកថ្ងៃទី១២ ខែវិច្ឆិកា វេលាម៉ោង ៧ និង៣០នាទីព្រឹក [ម៉ោងនៅកម្ពុជា]។ ក្រុមរហស្សនាមស៊ាំបា នឹងបន្តដំណើរទៅជួបអាហ្សង់ទីនដែលឈរលេខ២ នាថ្ងៃទី១៧ វិច្ឆិកា មួយប្រកួតទៀត៕