កីឡាករក្រុមគោក្រហមសំខាន់ៗស្ថិតក្នុងបញ្ជីរងរបួសរួមមាន Marcos Llorente, Ferran Torres, Mikel Oyarzabal, Pedri, Gerard Moreno, Ansu Fati, Eric Garcia, Yeremi Pino និង Mikel Merino។ ខណៈបន្ទុកជាច្រើនបានធ្លាក់លើខ្លួន លោក Enrique និយាយថា ពីរប្រកួតចុងក្រោយនេះជាប្រកួតដ៏លំបាកបំផុតសម្រាប់លោក និងក្រុមទាំងមូល។ 

 

«ពួកយើងនឹងត្រូវឆ្លងកាត់ការលំបាកខ្លាំងណាស់ពេលនេះ ដោយសារយើងមានកីឡាកររបួសច្រើន។ ពេលវេលានេះក៏មានន័យថា ទ្វារក៏បានបើកទទួលកីឡាករថ្មីដែលកំពុងស្រែកឃ្លានជ័យជម្នះសម្រាប់ក្រុមទាំងមូលដែរ។ ខ្ញុំក៏រំពឹងថា ពីរប្រកួតនេះយើងនឹងឈ្នះ។» គ្រូបង្វឹកវ័យ៥១ឆ្នាំ ប្រាប់សារព័ត៌មាននៅជំរំហ្វឹកហាត់នៅ Athens។

 

ក្រុមអេស្ប៉ាញ មានមហិច្ឆតាធំ ដោយចង់បានចំណាត់ថ្នាក់លេខ១ក្នុងពូល B  ដើម្បីគេចពីការលេងវគ្គ Playoff ។ បច្ចុប្បន្ន ស៊ុយអែតកំពុងឈរលេខ១ មាន១៥ពិន្ទុនាំមុខគេក្នុងពូល B ឯអេស្ប៉ាញមាន១៣ពិន្ទុ ហើយក្រុមលេខ៣ ក្រិកមាន៩ពិន្ទុ៕