កីឡាអន្តរជាតិ
អន្តរជាតិ
Diallo កីឡាការិនី PSG ត្រូវចាប់ខ្លួន ក្រោយជួលមនុស្សឱ្យធ្វើបាបមិត្តរួមក្រុម
× Aminata Diallo ខ្សែបម្រើក្រុមកីឡាបាល់ទាត់នារីរបស់ Paris St-Germain ត្រូវបានប៉ូលីសបារាំងចាប់ខ្លួន ក្រោយស៊ើបអង្កេតរកឃើញថានាងបានជួលមនុស្សឱ្យធ្វើបានមិត្តរួមក្រុមខ្លួន។
កីឡាការិនី វ័យ២៦ឆ្នាំរូបនេះ ត្រូវបានចាប់ខ្លួននៅថ្ងៃទី១០ ខែវិច្ឆិកា។ បន្ទាប់ពីការស៊ើបអង្កេត ប៉ូលីសក្រុងប៉ារីសបានអះអាងថា Diallo បានជួលមនុស្សឱ្យទៅធ្វើបាបមិត្តរួមក្រុមនាង Kheira Hamraoui កាលពីថ្ងៃទី៤ វិច្ឆិកា ដើម្បីខ្លួនអាចបានកៅអីលេងឱ្យ PSG។ នេះបើតាមការផ្សាយរបស់កាសែត BBC។
ប៉ូលីសបារាំងបង្ហាញករណីហិង្សាថា កីឡាការិនីបារាំង Hamraoui ត្រូវបានជនពាក់ម៉ាស់ពីរនាក់ទាញចេញពីរថយន្ត ហើយវាយជើងរបស់នាងតែម្តង។
Diallo សមាជិកក្រុមជម្រើសជាតិបារាំង ពិតជាបានលេងក្នុងការប្រកួតដែល PSG យកឈ្នះលើក្រុម Real Madrid ក្នុងលទ្ធផល ៤-០ ក្នុងជំនួបពានរង្វាន់ Champions League ផ្នែកនារី កាលពីថ្ងៃទី៩ ខែវិច្ឆិកា។
កីឡាការនីរងគ្រោះ Kheira Hamraoui ពាក់អាវលេខ១៤
ក្លិបយក្សបារាំងបាននិយាយក្នុងសេចក្តីថ្លែងការណ៍ថា ក្លិបកំពុងធ្វើការជាមួយប៉ូលីសដើម្បីបំភ្លឺការពិតអំពីករណីនេះ។ «ក្លិប ថ្កោលទោសយ៉ាងខ្លាំងចំពោះ អំពើហឹង្សាដែលបានកើតឡើង ហើយក្លិបនឹងចាត់វិធានការចាំបាច់ទាំងអស់ដើម្បីធានាសុខភាព សុខុមាលភាព និងសុវត្ថិភាពរបស់កីឡាការិនីរងគ្រោះ ចាប់តាំងពីការវាយប្រហារកើតឡើង»។
Diallo ដែលបង្ហាញខ្លួនឱ្យជម្រើសជាតិបារាំង៧លើក បានចូលរួមជាមួយ PSG ក្រោយចាកចេញពីក្រុម Guingamp ក្នុងឆ្នាំ ២០១៦ ដោយបង្ហាញខ្លួនជាង៦០ប្រកួត៕
Tag:
Paris St-Germain
Aminata Diallo
© រក្សាសិទ្ធិដោយ thmeythmey.com