អន្តរជាតិ
អូទ្រីសអនុវត្តវិធានការបិទខ្ទប់អ្នកដែលមិនបានចាក់វ៉ាក់សាំង ពលរដ្ឋអូទ្រីសបំពេញឯកសារ_ថាខ្លួនពិតជាបាន_ចាក់វ៉ាក់សាំង។ រូបថត Xinhua
× មនុស្សប្រមាណ២លាននាក់នៅអូទ្រីសដែលមិនទាន់បានចាក់វ៉ាក់សាំងប្រឆាំងកូវីដ-១៩ពេញលេញ ត្រូវស្ថិតក្រោមវិធានការបិទខ្ទប់ ដោយសាររដ្ឋាភិបាល ប្រឹងប្រែងទប់ស្កាត់ការរាលដាលរលកថ្មីនៃជំងឺរាតត្បាតសាកលមួយនេះ។
«យើងមិនបន្ធូរដៃទាក់ទងករណីនេះឡើយ វាជារឿងសំខាន់ណាស់»។ នេះបើតាមការលើកឡើងរបស់លោកអធិការបតី Alexander Schallenberg ដែលត្រូវបានដកស្រង់សម្តីដោយ CNN។
ជាគោលការណ៍ បុគ្គលដែលមិនទាន់បានចាក់វ៉ាក់សាំងនៅក្នុងប្រទេសអូទ្រីស ត្រូវបានអនុញ្ញាតឲ្យចាកចេញពីផ្ទះក្នុងលក្ខខណ្ឌច្បាស់លាស់ប៉ុណ្ណោះ ដូចជាការទៅបំពេញការងារ ឬទិញម្ហូបអាហារចាំបាច់ជាដើម។
បច្ចុប្បន្ន អូទ្រីស មានពលរដ្ឋប្រមាណ៦៥ភាគរយ បានចាក់វ៉ាក់សាំងពេញលេញ ដែលជាតួលេខទាបបំផុតនៅអឺរ៉ុបខាងលិច។ អត្រាឆ្លងរយៈពេល៧ថ្ងៃ គឺមានដល់ទៅជាង៨០០ករណីក្នុងចំណោមមនុស្សជាង១០ម៉ឺននាក់ ដែលជាអត្រាខ្ពស់បំផុតនៅអឺរ៉ុប។
គិតត្រឹមថ្ងៃទី១៥ ខែវិច្ឆិកា អូទ្រីស មានអ្នកឆ្លងកូវីដ-១៩ ប្រមាណ៩៦ម៉ឺននាក់ ក្នុងនោះស្លាប់ជាង១១ម៉ឺននាក់ និងសះស្បើយជាង៨៣ម៉ឺននាក់។ ចំនួនអ្នកមិនទាន់ចាក់វ៉ាក់សាំងភាគច្រើននៅអូទ្រីស គឺកុមារអាយុក្រោម១២ឆ្នាំ និងមនុស្សចាស់មួយចំនួន៕
© រក្សាសិទ្ធិដោយ thmeythmey.com