យោងតាមសេចក្ដីជូនដំណឹងដដែល ការសម្រេចបិទចរាចរណ៍ ចំណុចកំណាត់ផ្លូវជាតិលេខ២១អានេះ ដើម្បីសម្រួលដល់ការងារចាក់កៅស៊ូលើកំណាត់ផ្លូវខាងលើនេះ។ បើតាម លោក ម៉ឹង យូឡេង ប្រធានមន្ទីរសាធារណការ និងដឹកជញ្ជូន ខេត្តកណ្ដាល ប្រាប់សារព័ត៌មានថ្មីៗ តាមទូរសព្ទ័ថា កំណាត់ផ្លូវជាតិលេខ២១អា ដែលខូចខាតនោះ បណ្ដាលមកពីភាពចាស់ទ្រុឌទ្រោម និង ភាពមមាញឹកនៃការដឹកជញ្ជូនឡើងធុនធ្ងន់។ 


លោក ម៉ឹង យូឡេង ប្រធានមន្ទីរសាធារណការ និងដឹកជញ្ជូនខេត្តកណ្ដាល ក្នុងវគ្គបណ្ដុះបណ្ដាលមួយ កាលពីឆ្នាំ២០១៩។ រូបភាពពី ទំព័រហ្វេសប៊ុក រដ្ឋបាលខេត្តកណ្ដាល។ 

ជាមួយគ្នានេះ លោក ម៉ឹង យូឡេង អះអាងទៀតថា ការផ្អាកចរាចរណ៍នៅចំណុចខាងចលើនេះ គឺផ្អាកលើរថយន្តធុនធ្ងន់ និងឡានដឹកខ្សាច់ប៉ុណ្ណោះ ខណៈរថយន្តគ្រួសារ រថយន្តដឹកទំនិញក្រោម៦តោន ក៏ដូចជាពលរដ្ឋអាចធ្វើចរាចរណ៍បានធម្មតា៕