បន្ថែមពីលើការអរគុណ ព្រះករុណាជាម្ចាស់ជីវិតលើត្បួង ទ្រង់ក៏បានមានបន្ទូលពីឆន្ទៈរបស់កម្ពុជាផងដែរ ក្នុងការបន្តជួយដោះស្រាយបញ្ហាពិភពលោក ដូចជា បញ្ហាអាកាសធាតុ ជាដើម និងការបន្តជួយដល់អង្គការសហប្រជាជាតិឲ្យកាន់តែរឹងមាំ។

តាមរយៈព្រះរាជសារ ព្រះប្រមុខរដ្ឋកម្ពុជា ទ្រង់មានព្រះរាជឱង្ការទៅកាន់លោកប្រមុខអង្គការសហប្រជាជាតិថា៖«សូមឯកឧត្តម ទុកចិត្តថា ព្រះរាជាណាចក្រកម្ពុជា នឹងបន្តចាត់វិធានការដោះស្រាយគ្រោះអាសន្ននៃអាកាសធាតុ បន្តកិច្ចប្រឹងប្រែង ដើម្បីសម្រេចបានគោលដៅអភិវឌ្ឍន៍ប្រកបដោយចីរភាព ព្រមទាំងជួយពង្រឹងអង្គការសហប្រជាជាតិឲ្យកាន់តែរឹងមាំ ជួយធ្វើឲ្យពិភពលោកមានភាពល្អប្រសើរ និងសុខសន្តិភាពសម្រាប់ទាំងអស់គ្នា។»

 

ព្រះបន្ទូលចុងក្រោយរបស់ព្រះករុណក្នុងព្រះរាជសារ គឺព្រះអង្គ ប្រទានពរឲ្យលោក អាន់​តូ​នី​ញ៉ូ ហ្គូ​តេ​រ៉េ​ស មានសុខភាពល្អ និងទទួលបានជោគជ័យក្នុងភារកិច្ច។ ព្រះរាជសាររបស់ទ្រង់ ធ្វើឡើងនៅថ្ងៃទី២០ ខែវិច្ឆិកា និងទើបត្រូវបានបង្ហោះជាសាធារណៈលើទំព័រហ្វេសប៊ុក Royal Du Cambodge នៅថ្ងៃទី២៣ ខែវិច្ឆិកា ឆ្នាំ២០២១៕