បើតាម លោក វេង សាខុន រយៈពេល១១ខែក្នុងឆ្នាំ២០២១នេះ ការនាំចេញកសិផលទៅក្រៅប្រទេសសម្រេចបាន ៧ ១៣១ ៩១៥តោន កើនឡើង ៨៧,៥៣% បើធៀបនឹងរយៈពេលដូចគ្នាក្នុងឆ្នាំ២០២០ និងទទួលបានចំណូលជាង៤,៤ពាន់លានដុល្លារ ។

 

ក្នុងចំណោមកសិផលដែលបាននាំចេញ មានដូចជា ដំឡូងមីក្រៀមជាង ១,៤លានតោន, ដំឡូងមីស្រស់ជាង៨៨ម៉ឺនតោន ,គ្រាប់ស្វាយចន្ទីជាង ៩២ម៉ឺនតោន, គ្រាប់ពោត ជាង ១៧ ម៉ឺនតោន,​គ្រាប់សណ្ដែកបាយ ជាង២ម៉ឺនតោន, ផ្លែចេកស្រស់ ជិត៤០ម៉ឺនតោន ,ក្រូចថ្លុង ជាង៣ម៉ឺនតោន, ម្រេច ជាង២ម៉ឺនតោន, ម្ទេសស្រស់ ជាង៨ម៉ឺនតោន និងផលិតផលកសិកម្មច្រើនផ្សេងទៀត ។

 

ក្រៅពីកសិផលខាងលើនេះ ក្នុងរយៈពេល១១ខែ ឆ្នាំ២០២១នេះ កម្ពុជានាំចេញអង្ករជាង ៥៣ម៉ឺនតោន ទៅកាន់ទីផ្សារអន្តរជាតិផងដែរ៕