អគ្គិភ័យបានឆាបឆេះក្លឹបកម្សាន្តមួយកន្លែងយីហោ អេលីត  ស្ថិតជាន់ក្រោមដីក្នុងផ្សារទំនើបអាស៊ីផ្លាហ្សា នៅភូមិតាភុល សង្កាត់ស្វាយដង្គំ ក្រុងសៀមរាប។ តាមរបាយការណ៍បឋមរបស់សមត្ថកិច្ច មានមនុស្សស្លាប់៣នាក់ (តារាចម្រៀងម្នាក់ និងសន្ដិសុខពីរនាក់) ហើយម្នាក់ទៀតជាឌីជេ របួសធ្ងន់។ តាមសមត្ថកិច្ច ហេតុការណ៍នេះកើតឡើងនៅវេលាម៉ោង៧ និង៥០នាទី យប់ថ្ងៃទី១ ធ្នូ ឆ្នាំ២០២១ មូលហេតុដោយសារទុស្សេចរន្តអគ្គិសនី និងមានការខូចខាតទ្រព្យសម្បត្តិធ្ងន់ធ្ងរ។

 

តាមនាយកដ្ឋាននគរបាលបង្ការពន្លត់អគ្គិភ័យ និងសង្រ្គះ នៃអគ្គស្នងការដ្ឋាននគរបាលជាតិ ការជួយសង្រ្គោះមានភាពលំបាក ដោយសារនៅជាន់ក្រោមដី មិនមានអុកស៊ីហ្សែនគ្រប់គ្រាន់៕