ជាតិ
«តំបន់ព្រៃលិចទឹកក្នុងបឹងទន្លេសាប» ដែលបានប្រែក្លាយជាដីកសិកម្ម រូបភាព៖ Chhut Chheana / USAID Wonders of the Mekong
× សៀមរាប៖ ចំណុចក្រហមនៅក្នុងផែនទីនេះ គឺជាចំណុចនៃទីតាំងរូបភាពនៃតំបន់ព្រៃលិចទឹក ដែលត្រូវបានប្រែក្លាយទៅជាដីកសិកម្ម ថតដោយក្រុមការងារគម្រោងអច្ឆរិភាពនៃទន្លេមេគង្គ កាលពីខែកញ្ញា ឆ្នាំ ២០២០ កន្លងទៅនេះ ស្ថិតនៅក្នុងឃុំកែវពណ៌ ស្រុកពួក ខេត្តសៀមរាប។
លោក លី សំរិទ្ធ អភិបាលរងខេត្តសៀមរាប បានបញ្ជាក់ថា ការទន្ទ្រានដីព្រៃលិចទឹក ដែលអាជ្ញាធររកឃើញមានជាង២,០០០ហិកតា ។ បើតាមលោក សំរិទ្ធ តួលេខនេះ គិតចាប់ពីឆ្នាំ២០១៤ ដល់ឆ្នាំ២០២១ ។«បទល្មើសដែលរកឃើញនេះ មិនទាន់បានបញ្ជូនទៅតុលាការទេ កំពុងតែចុះស្រាវជ្រាវបន្ថែម។ ព្រោះអត់ឃើញមានបទល្មើសជាក់ស្ដែង ចុះទៅឃើញតែការបោះបង្គោលកំណត់ព្រំដី»។ នេះបើតាមលោក សំរិទ្ធ ដែលបញ្ជាក់ថា អាជ្ញាធរខេត្តនឹងបន្តរកឲ្យឃើញអ្នកទន្ទ្រាន ឬអ្នកនៅពីក្រោយ ដីព្រៃលិចទឹកនេះ។
ក្រសួង និងស្ថាប័នពាក់ព័ន្ធជាច្រើន កំពុងធ្វើយុទ្ធនាគារចុះបង្ក្រាប និងទប់ស្កាត់បទល្មើសទន្ទ្រានដីព្រៃលិចទឹក នៅជុំវិញបឹងទន្លេសាប រួមមានខេត្តកំពង់ឆ្នាំង បាត់ដំបង បន្ទាយមានជ័យ សៀមរាប កំពង់ធំជាដើម។
គួរបញ្ជាក់ថា ការចាប់ផ្ដើមពិនិត្យករណីរំលោភដីព្រៃលិចទឹក ធ្វើឡើងក្រោយសម្តេចនាយករដ្ឋមន្ត្រី ហ៊ុន សែន ទទួលបានរបាយការណ៍ស្រាវជ្រាវពីសំណាក់លោក សុខ ទូច ប្រធានរាជបណ្ឌិត្យសភាកម្ពុជា។ សម្ដេចក៏បានបញ្ជាឱ្យដកហូតយកដីព្រៃលិចទឹក ដែលត្រូវបានអ្នកមានអំណាច និងជនខិលខូច កាប់ទន្ទ្រានខុសច្បាប់យកមកវិញទាំងអស់។
សូមអញ្ជើញទស្សនារូបភាព។
© រក្សាសិទ្ធិដោយ thmeythmey.com