ថ្វីបើនេះជាប្រកួតដំបូងសម្រាប់ Xavi ដែលដឹកនាំក្រុមតទល់ជាមួយ Bayern ក្តី តែគ្រូបង្វឹកវ័យ៤១ឆ្នាំរូបនេះ ហាក់មិនពេញចិត្តចំពោះទម្រង់លេងរបស់កូនក្រុមខ្លួនឡើយ។ Xavi បានលើកឡើងថាលទ្ធផលការប្រកួតនេះ គួរតែជាការទទួលបានពិន្ទុ មិនមែនជាការចាញ់នោះទេ។


 

«យើងតែងតែចង់បានជ័យជម្នះលើគូរប្រកួតដោយវីធីសាស្រ្តរបស់យើង ដល់ពេលនេះយើងគួរតែសម្រេចចិត្តនឹងតាំងចិត្តលើខ្លួនយើងទាំងអស់គ្នា យើងជាក្រុម Barcelona។ ពិតណាស់នេះជាធាតុពិតរបស់យើង មិនបានបន្តលេង Champions league វាក៏ជាស្ថានភាពរបស់ក្រុមយើងពេលនេះ។ ខ្ញុំពិតជាខឹងខ្លាំងចំពោះលទ្ធផលថ្ងៃនេះ ដែលធ្វើឱ្យខ្ញុំទ្រាំមិនបានឡើយ ហើយក្តីស្រមៃយើងគឺ Champions League មិនមែន Europa League ឡើយ។»Xavi និយាយក្រោយចប់ការប្រកួត។


 

Barcelona ធ្លាក់ចេញពីវគ្គចែកពូលក្របខណ្ឌ UEFA Champions League ជាលើកដំបូង នៃរយៈពេល ១៧ ឆ្នាំ បើគិតពីឆ្នាំ២០០៣-០៤ ដែលពួកគេមិនបានលេងក្នុងពានរង្វាន់នេះតែម្តង ដោយសារតែទទួលចំណាត់ថ្នាក់លេខ៦នៅ La Liga៕