Touropia៖ អង្គរវត្តជាប្រាសាទល្បីល្បាញជាងគេនៅអាស៊ី ដោយនាំមុខ Borobudur និង Baalbek

ជាតិ

Touropia៖ អង្គរវត្តជាប្រាសាទល្បីល្បាញជាងគេនៅអាស៊ី ដោយនាំមុខ Borobudur និង Baalbek

12, Dec 2021 , 7:59 pm

រូបភាព

ដោយ: អ៊ុត រស្មី (Uth Raksmey)

គេហទំព័រទេសចរណ៍Touropia បានកំណត់យកប្រាសាទចំនួន១០ ដែលល្បីល្បាញជាងគេនៅតំបន់អាស៊ី (10 Most Famous Temples in Asia)។ តាមការវាយតម្លៃរបស់ Touropia ប្រាសាទអង្គរវត្ត ទទួលបានចំណាត់ថ្នាក់លេខ១ ក្នុងចំណោមប្រាសាទទាំង១០នៅអាស៊ី ។

បើតាមទីភ្នាក់ងារ Touropai តំបន់អាស៊ី ជាកន្លែងដែលសម្បូរដោយប្រាសាទច្រើនជាងគេក្នុងពិភពលោក ព្រោះជាកន្លែងកំណើតនៃសាសនាជាច្រើន។ ប្រាសាទអង្គរវត្ត ត្រូវបានគេហទំព័រមួយនេះ កំណត់យកជាប្រាសាទដ៏ល្បីជាងគេក្នុងចំណោមប្រាសាទជាច្រើននៅតំបន់អាស៊ី។

ប្រាសាទអង្គរវត្ត ជាប្រាសាទដ៏ធំមួយនៅកម្ពុជា ដែលសាងសង់ឡើង នាដើមសតវត្សរ៍ទី១២ ដោយព្រះបាទសូរ្យវរ្ម័នទី២។ កន្លងមកប្រាសាទអង្គរវត្ត ក៏ធ្លាប់ទទួលបានចំណាត់ថ្នាក់លេខ១ពីគេហទំព័រល្បីៗជាច្រើន ដែលជា តំបន់ទេសចរណ៍ប្រវត្តិសាស្រ្តដ៏ល្បីល្បាញលើពិភពលោក, ជាសំណង់ប្រវត្តិសាស្រ្តដ៏អស្ចារ្យបំផុតលើពិភពលោក និងជារមណីដ្ឋានទេសចរណ៍វប្បធម៌ដ៏ល្បីបំផុតលើពិភព។