កីឡាការិនីវ័យ១៩ឆ្នាំរូបនេះ នឹងត្រូវប្រកួតវាយកូនបាល់នៅក្នុងទីក្រុងអាប៊ុយដាប៊ីទល់នឹងកីឡាការិនី Belinda Bencic ដែលជាម្ចាស់មេដាយមាសអូឡាំពិកតូក្យូ។ ទោះបីជាបែបនេះក្តី Raducanu បានប្រកាសកាលពីថ្ងៃទី១៣ខែធ្នូ ថាមិនអាចចូលរួមប្រកួតនៃពានរង្វាន់មួយនេះបានឡើយដោយសារតែនាងកំពុងតែព្យាបាលជំងឺកូវីដ-១៩។
 

«ខ្ញុំកំពុងតែសម្លឹងមើលទៅកាន់ការប្រកួតខាងមុខ ហើយខ្ញុំនឹងលេងនៅចំពោះមុខអ្នកគាំទ្រក្នុងទីក្រុងអាប៊ុយដាប៊ី ប៉ុន្តែរឿងអាក្រក់បានកើតឡើងព្រោះខ្ញុំបានតេស្តវិជ្ជមានកូវីដ-១៩។ ខ្ញុំត្រូវផ្អាកការប្រកួតរហូតដល់មានកម្មវិធីប្រកួតថ្មីកើតឡើងឬឆ្នាំក្រោយ។ខ្ញុំសង្ឃឹមថា នឹងអាចត្រលប់ទៅកាន់កន្លែងប្រកួតជាថ្មីឆាប់ៗ» Raducanu បាននិយាយបែបនេះ។

Raducanu សញ្ជាតិអង់គ្លេស បានឈ្នះពានរង្វាន់ Grand Slam លើកដំបូងក្នុងអាជីពរបស់នាងនៅក្នុងកម្មវិធី US Open កាលពីខែសីហាឆ្នាំ ២០២១៕