លោក Emilio Butragueno ប្រធានផ្នែកទំនាក់ទំនងក្រុម Real Madrid បានទស្សនាការចាប់ឆ្នោតប្រកួតសម្រាប់វគ្គ១៦ក្រុមដោយផ្ទាល់ ដោយ Real Madrid ត្រូវប៉ះ Benfica ។ ប៉ុន្តែដោយសារមានបញ្ហាបច្ចេកទេសពីសំណាក់ UEFA ការចាប់ឆ្នោតត្រូវធ្វើឡើងជាថ្មីលើកទី២  ហើយReal Madrid បែរជាជួប Paris Saint Germain ទៅវិញ។
 

«ពិតជាគួរឱ្យភ្ញាក់ផ្អើល ព្រោះវាពិតជាអាក្រក់ខ្លាំងណាស់ជារឿងមិនអាចទទួលយកបាន ហើយក៏ពិបាកយល់ពីដំណើរនៃការចាប់ឆ្នោតលើកនេះ។ អ្នកគាំទ្ររាប់លានអ្នកបានរង់ចាំមើលការចាប់ឆ្នោតនេះព្រមទាំងពិភពកីឡាទាំងមូល។ យើងនឹងត្រូវជួបរឿងរ៉ាវជាច្រើនទាំងការសប្បាយនិងកើតទុក្ខក្នុងប្រកួតដល់សំខាន់មួយនេះ យើងសង្ឃឹមថាក្រុមនឹងអាចបន្តទៅវគ្គ៨ក្រុមបន្ត។»លោក Butragueno ប្រាប់ទៅកាន់ទូរទស្សន៍ Real Madrid TV។
 

ខាងក្រោមនេះជាក្រុមដែរត្រូវបានផ្គូផ្គងនៅក្នុងវគ្គជម្រុះ១៦ក្រុមចុងក្រោយ៖

Red Bull Salzburg vs Bayern Munich

Sporting Lisbon vs Manchester City

Benfica vs Ajax

Chelsea vs Lille

Atletico Madrid vs Manchester United

Villarreal vs Juventus

Inter vs Liverpool

Paris Saint-Germain vs Real Madrid ៕