លោក ហេង រតនា ប្រធានស៊ីម៉ាក់ បានលើកឡើងថា ស៊ីម៉ាក់ បានរកឃើញ និងបំផ្លាញចោលគ្រាប់មីនជាង៩ម៉ឺនគ្រាប់ ក្នុងនោះមាន គ្រាប់មីនមិនទាន់ផ្ទុះគ្រប់ប្រភេទសរុបចំនួន ៩៧ ៥៣៨គ្រាប់ គ្រាប់មីនប្រឆាំងមនុស្សចំនួន ១៦១៣៨គ្រាប់ មីនប្រឆាំងរថក្រោះចំនួន៣២៣គ្រាប់ គ្រាប់បែកទម្លាក់ពីយន្ដហោះ ៣៩គ្រាប់ គ្រាប់បែកចង្កោម ៨ ០៩០គ្រាប់ មីនច្នៃចំនួន១៧គ្រាប់ និងគ្រាប់យុទ្ធភណ្ឌមិនទាន់ផ្ទុះគ្រប់ប្រភេទមានចំនួន៥៧ ៥៣១គ្រាប់។​

 

បើតាមលោក ហេង រតនា នៅឆ្នាំ២០២២ខាងមុខ ស៊ីម៉ាក់ មានផែនការរំដោះផៃ្ទដីរងការគំរាមកំហែងដោយសារគ្រាប់មីន និងសំណល់យុទ្ធភណ្ឌសង្គ្រាមជាង ១២៥គីឡូម៉ែត្រក្រឡា​ តាមរយៈគម្រោងរបស់រដ្ឋាភិបាល​ និង​ជំនួយផ្សេងៗទៀតរបស់រដ្ឋាភិបាល ជប៉ុន ចិន ប៊ែលហ្សិក ន័រវេស អាម៉េរិក និងអង្គការមួយចំនួនទៀត៕