កីឡាករប្រេស៊ីល Gabriel Martinelli​ និងខ្សែបម្រើវ័យក្មេងអង់គ្លេស Emile Smith-Rowe រកបានម្នាក់មួយគ្រាប់ដើម្បីជួយក្រុមលោក Mikel Arteta រកបាន៣ពិន្ទុ និងដណ្តើមចំណាត់ថ្នាកទី៤ ពី West Ham ថែមទៀត។ 
 

កាំភ្លើងធំកើន២៩ពិន្ទុ ពីការប្រកួត១៧លើក នាំមុខក្រុមលោក David Moyes ដែលធ្លាក់ទៅលេខ៥ក្នុងតារាងពិន្ទុលីគកំពូលអង់គ្លេសចំនួន ១ពិន្ទុ។
 

Arteta អ្នកចាត់ការ Arsenal រីករាយនឹងលទ្ធផលនេះ ខណៈលោកព្យាយាមប្រើប្រាស់កីឡាករក្មេងៗច្រើន។ អ្នកចាត់ការសញ្ជាតិអេស្ប៉ាញសរសើរកូនក្រុមក្រោយចប់ការប្រកួតថា៖« ខ្ញុំពិតជាសប្បាយចិត្តចំពោះរបៀបលេង និងការប្តេជ្ញាចិត្តរបស់កូនក្រុមខ្ញុំ។ ពួកគេលេងប្រកបដោយគុណភាព»។
 

ដោយឡែកជំនួបពីរគូទៀត Wolverhampton Wanderers បានយកឈ្នះ Brighton & Hove Albion ១-០ រីឯ Crystal Palace ស្មើ Southampton ២-២។ ជំនួប Burnley និង Watford ត្រូវបានផ្អាកដោយសារបញ្ហាកូវីដ-១៩៕