១ Antonio Puerta

កីឡាកររបស់ Sevilla បានស្លាប់នៅថ្ងៃទី២៨ ខែសីហា ឆ្នាំ២០០៧ ៣ថ្ងៃបន្ទាប់ពីការប្រកួតលីគ La Liga រវាង Sevilla និង Getafe។ អំឡុងពេលប្រកួត កីឡាករអេស្ប៉ាញអាយុ២២ឆ្នាំ រូបនេះបានដួលសន្លប់នៅលើទីលានដោយសារជំងឺខួរក្បាល។

២ Miklos Feher

Feher បានស្លាប់នៅថ្ងៃទី២៥ នៃខែមករា ឆ្នាំ២០០៤ នៅអាយុ ២៤ឆ្នាំ ខណៈពេលរូបគេលេងឱ្យ Benfica ទល់នឹង Vitoria de Guimaraes។ កីឡាករហុងគ្រីរូបនេះ បានដួលនៅលើទីលាន ដោយសារជំងឺស្ទះសួត។

៣ Marc-Vivien Foe

Foe អតីតសមាជិកក្រុម Man City បានស្លាប់នៅថ្ងៃទី២៦ ខែមិថុនា ឆ្នាំ២០០៣ អំឡុងពេលលេងឱ្យជម្រើសជាតិកាមេរ៉ូនទល់ក្រុមកូឡុំប៊ី នៅប្រទេសបារាំង។ Foe ដែលកាលនោះមានវ័យ២៨ឆ្នាំ បានដួលភ្លាមៗនៅលើទីលានប្រកួត ដោយសារគាំងបេះដូង និងរលាកបំពង់ខ្យល់។

 

៤ Piermario Morosini

Morosini បានស្លាប់នៅអាយុ២៥ឆ្នាម នាថ្ងៃទី១៤ ខែមេសា ឆ្នាំ២០១២ ក្រោយដូលលើទីលានក្នុងការប្រកួតរវាង Livorno និង Pescara ដោយសារគាំងបេះដូង។ Morosini ត្រូវបានបញ្ជូនទៅកាន់មន្ទីរពេទ្យក្នុងស្ថានភាពធ្ងន់ធ្ងរ ប៉ុន្តែគ្រូពេទ្យមិនអាចសង្គ្រោះជីវិតគេបានឡើយ។

 

៥ Jose Antonio Gallardo

អ្នកចាំទីអេស្ប៉ាញ រងរបួសចំក្បាលអំឡុងពេលប្រកួតរវាង Celta Vigo និង Malaga នៅ La Liga។ Gallardo ដែលកាលនោះមានវ័យ២៥ឆ្នាំ បានជាសះស្បើយហើយ ប៉ុន្តែ១៧ថ្ងៃក្រោយ រូបគេបានសន្លប់ដោយសារតែសំឡេងផ្ទុះខា្លង។ មួយសប្តាហ៍ក្រោយមកទៀត ពោលនៅថ្ងៃទី ៨ ខែមករា ឆ្នាំ១៩៩៨ Gallardo បានទទួលមរណភាព។

៦ Marcio Dos Santos

Santos បានស្លាប់នៅថ្ងៃទី២៨ ខែតុលា ឆ្នាំ២០០២ ក្រោយចូលរួមប្រកួតឱ្យ Deportivo Wanka ទល់ Alianza Lima ទាំងមានអារម្មរណ៍មិនល្អ។ មុនពេលការប្រកួតនោះ គ្រូពេទ្យរបស់កីឡាករប្រេស៊ីលរូបនេះលេបថ្នាំបំបាត់ឈឺក្បាល ប៉ុន្តែទីបំផុតរូបគេបានស្លាប់ដោយគាំងបេះដូង។

 

៧ Alen Pamic

កីឡាករក្រូអាស៊ី បានគាំងបេះដូងស្លាប់ពេលលេងក្នុងជំនួបមិត្តភាពជាមួយ កាលពីថ្ងៃទី២២ ខែមិថុនា ឆ្នាំ២០១៣។ Pamic មានបញ្ហាបេះដូងយូរមកហើយ ហើយមិនមែនជាលើកទីមួយទេដែលរូបគេបានដួលនៅលើទីលាន។ គ្រូពេទ្យបានអនុញ្ញាតឱ្យ Pamic បន្តអាជីពនេះរហូតអស់ជីវិតដោយសារបញ្ហាបេះដូងនៅអាយុ២៣ឆ្នាំ។ 

៨ Peter Biaksangzuala

ខ្សែបម្រើវ័យ២៣ឆ្នាំ របស់ក្រុម Bethlehem Vengthlang នៃលីគកំពូលឥណ្ឌា បានស្លាប់ថ្ងៃទី ១៩ ខែតុលា ឆ្នាំ ២០១៤។ កីឡាករឥណ្ឌារូបនេះ មានបញ្ហាធ្ងន់ធ្ងរត្រង់ឆ្អឹងខ្នង បន្ទាប់ពីរឡាតខុសបច្ចេកទេសដើម្បីអបអរគ្រាប់បាល់ស៊ុតបាល់បញ្ចូលទីជ័យជម្នះរបស់ខ្លួន។

៩ Cristian Gomez

កីឡាករអាហ្សង់ទីន វ័យ២៧ឆ្នាំ បានស្លាប់ភ្លាមៗ អំឡុងដួលលើទីលាន ក្នុងជំនួបរវាង Atletico Parana ទល់នឹង Boca Unidos នៅថ្ងៃទី២៤ ខែឧសភា ឆ្នាំ២០១៥។

 

១០ Serhiy Perkhun

អ្នកចាំទីសញ្ជាតិអ៊ុយក្រែន របស់ក្រុម CSKA Moscow នៃលីគកំពូលរុស្ស៊ីបានស្លាប់ ក្រោយ១០ថ្ងៃបន្ទាប់ពីសន្លប់ នៅថ្ងៃទី២៩ ខែសីហា ឆ្នាំ ២០០១ ដោយសារប៉ះទង្គិចក្បាល៕