ក្នុងបរិបទកូវីដ-១៩ កីឡាការិនីខ្មែរ-ឥស្លាម ផ មេសាន ត្រូវហ្វឹកហាត់ក្នុងជំរុំ នៃពហុកីឡដ្ឋានជាតិមរតកតេជោ នូវជំនាញកីឡារបស់ខ្លួន ធ្វើយ៉ាងណាឲ្យទទួលបាននូវលទ្ធផលដែរល្អប្រសើរ។ ដូច្នេះ កីឡាការិនីរូបនេះ  បានព្យួរឈ្មោះ ជាគ្រូកីឡា ដើម្បីហ្វឹកហាត់ឲ្យបានខ្ជាប់ខ្ជួន។ គួរបញ្ជាក់ថា នេះជាលើកទី២ហើយ ដែលកីឡាការិនីរូបនេះ បានជាប់ជាជម្រើសជាតិកម្ពុជា ហើយត្រូវហ្វឹកហាត់ត្រៀមប្រកួតស៊ីហ្គេម។ 
 

គ្រូកីឡារូបនេះ មានការរំពឹកខ្ពស់ថា តាមរយៈការប្រឹងប្រែងរបស់ខ្លួន និងមិត្តរួមក្រុម នឹងធ្វើឲ្យពិភពលោកស្គាល់កីឡាហុកគី ដោយនឹងយកមេដាយមួយជូនដល់កម្ពុជា។ កញ្ញា ផ មេសាន បានបន្ដថា នឹងត្រឡប់ចូលជាគ្រូកីឡាវិញ បន្ទាប់ពីបានប្រកួតចប់ស៊ីហ្គេម។ 
 

តាមរយៈការប្រឹងប្រែង និងការស្រឡាញ់របស់ខ្លួន កីឡាការិនី ខ្មែរ-ឥស្លាមនេះ បានបញ្ជាក់ពីការសប្បាយចិត្ត ក្នុងការឈានជើងចូលក្នុងវិស័យកីឡា ទាំងភាពជោគជ័យក្នុងការជាប់ជាគ្រូកីឡាផង និងកីឡាការិនីជម្រើសជាតិផង ៕