៦នាទីដំបូង Bruno Fernandes បានស៊ុតបាល់បញ្ចូលទីនាំមុខ១គ្រាប់ ហើយបន្ថែមគ្រាប់ទី២នៅនាទី៦៧ សម្រាប់បិសាចក្រហម។ ក្រោយការប្តូរចូលជំនួស Morgan Sanson នៅនាទី៦៨ Coutinho បានបង្ហាញសមត្ថភាពដ៏គួរឲ្យចាប់អារម្មណ៍នៅ Villa Park។

 

៩នាទីក្រោយមក កីឡាករប្រេស៊ីលរូបនេះ ជាចំណែកយ៉ាងសំខាន់ដែលនាំឲ្យ Jacob Ramsey វាយបកតាមពីក្រោយភ្ញៀវ១គ្រាប់ ហើយនៅនាទី៨២ ខ្សែប្រយុទ្ធដែលខ្ចីជើងពី Barcelona រូបនេះ បានស៊ុតបាល់បញ្ចូលទីតាមស្មើ ២-២ ក្រោយការបញ្ជូនរបស់ Ramsey។
 

 

«ខ្ញុំនឹងការប្រកួតបែបនេះ និងនឹក Premier League»។ អតីតកីឡាករ Liverpool រូបនេះ បានថ្លែងយ៉ាងដូច្នេះប្រាប់សារព័ត៌មាន Sky Sports ដោយបន្ថែមថា៖ «វាជាការចាប់ផ្តើមយ៉ាងល្អ ហើយយើងរក្សាមានជំនឿរហូតដល់ទីបញ្ចប់»។
 

ក្រោយការប្រកួត២០លើក Aston Villa ដែលដឹកនាំដោយលោក Steven Gerrard អតីតប្រធានក្រុម Liverpool ឈរនៅលេងរៀងទទី១៣ដោយមាន២៣ពិន្ទុ រីឯ Man Utd ស្ថិតនៅលេខ៧ ដោយមាន៣២ពិន្ទុ៕