ខ្សែប្រយុទ្ធវ័យ ៣២ឆ្នាំបានអវត្តមានជំនួបដែល ហ្គាបុងប្រកួតស្មើជាមួយហ្គាណាកាលពីថ្ងៃទី១៥ខែមករា បន្ទាប់ពីត្រូវរកឃើញថា មានដំបៅបេះដូង ក្រោយពេលជាពីជំងឺកូវីដ-១៩។ Aubameyang តេស្តឃើញកូវីដ-១៩ ពេលមកដល់កាមេរូនកាលថ្ងៃទី៦ ខែមករា។ 
 

មិនតែប៉ុណ្ណោះខ្សែបម្រើ Mario Lemina អតីតកីឡាករក្លិប Southampton ក៏បានចាកចេញពីក្រុមជម្រើសជាតិហ្គាបុងផងដែរបន្ទាប់ពីរកឃើញមានបញ្ហាដំបៅបេះដូងដូចគ្នានឹង Aubameyang។
 

«សហព័ន្ធកីឡាបាល់ទាត់ហ្គាបុង បានសម្រេចចិត្តបញ្ជូនកីឡាករខ្សែប្រយុទ្ធ Pierre-Emerick Aubameyang និង Mario Lemina ទៅកាន់ក្លិបរបស់ពួកគេវិញដើម្បីបន្តព្យាបាលបញ្ហាជំងឺបន្តទៀត។» សហព័ន្ធកីឡាបាល់ទាត់ហ្គាបុងប្រកាសក្នុងសេចក្តីថ្លែងការណ៍បែបនេះ។
 

សហព័ន្ធកីឡាបាល់ទាត់ហ្គាបុងក៏អះអាងនាថ្ងៃទី១៧ខែមករាថា  កីឡាករ៥រូបបានបន្តរកឃើញឆ្លងកូវីដ-១៩ ក្នុងនោះរួមមាន Denis Bouanga, Noubi Fotso, David Sambissa, Serge Ngouai និងកីឡាករ Ulrick Eneme Ella។ កីឡាករទាំង៥ ក៏ត្រូវអវត្តមានការប្រកួតទល់ក្រុមម៉ារ៉ុកនាថ្ងៃទី១៨ ខែមករា៕