ការស្នើសុំរបស់លោកស្រី Ana Maria Prieto Abad ធ្វើឡើងក្នុងជំនួបជាមួយលោក ហេង រតនា អគ្គនាយកស៊ីម៉ាក់ នៅទីបញ្ជាការដ្ឋានស៊ីម៉ាក់ រាជធានីភ្នំពេញ នាថ្ងៃទី២១ ខែមករា ឆ្នាំ២០២២។ 

ពាក់ព័ន្ធនឹងជំនួបខាងលើនេះ លោក ហេង រតនា បានសេសេរលើទំព័រហ្វេសប៊ុករបស់ខ្លួនដូច្នេះថា៖ «រដ្ឋាភិបាលកូឡុំប៊ីបានស្នើសុំរដ្ឋាភិបាលជប៉ុន បន្តគាំទ្រឱ្យអង្គភាពស៊ីម៉ាក់ បន្តជួយផ្ដល់ការហ្វឹកហ្វឺន ដល់កម្លាំងជំនាញកូឡុំប៊ីបន្ថែមទៀត ចាប់ពីឆ្នាំ២០២២នេះ»។ 

 

សូមជម្រាបផងដែរថា ការហ្វឹកហ្វឺនខាងលើនេះ ជាកិច្ចសហប្រតិបត្តិការភាគខាងត្បូងនិងខាងត្បូង "គ្រាប់មីននិងសំណល់ជាតិផ្ទុះ" ក្រោមជំនួយពីទីភ្នាក់ងារសហប្រតិបត្តិការអន្តរជាតិជប៉ុន (JICA)។  កម្មវិធីនេះត្រូវបានរៀបចំក្នុងទម្រង់ជាវគ្គបណ្តុះបណ្តាល និងសិក្ខាសាលា សម្រាប់មន្ត្រីមកពីប្រទេសអង់ហ្គោឡា ឡាវ អ៊ីរ៉ាក់ និងកូឡុំប៊ី៕