ជាតិ
សង្គមជាតិ
រូបប្រាសាទ ដែលមានទម្រង់ដូចប្រាសាទតាព្រហ្ម និងប្រាសាទបាយ័នខ្មែរ ត្រូវបានសាងសង់លើទឹកដីវៀតណាម។ រូបពី Blog ឈ្មោះ Lyn DT ដែលបង្ហោះតាំងពីឆ្នាំ២០១៨។
×![]()
ដោយ: ប៉ូ សាគុន
ភ្នំពេញ៖ អ្នកនាំពាក្យក្រសួងវប្បធម៌ និងវិចិត្រសិល្បៈ បានអះអាងថា ក្រសួង ពុំទាន់ទទួលបានព័ត៌មានជាផ្លូវការពីរឿងចម្លងប្រាសាទខ្មែរក្នុងប្រទេសវៀតណាមនៅឡើយទេ។ ទោះជាយ៉ាងណា បច្ចុប្បន្នក្រសួងវប្បធម៌ កំពុងទាក់ទងស្ថានទូតកម្ពុជានៅប្រទេសវៀតណាម ដើម្បីប្រមូលព័ត៌មានច្បាស់លាស់ មុននឹងបញ្ចេញប្រតិកម្ម។
លោក ឡុង ប៉ុណ្ណាសិរីវត្ថ អ្នកនាំពាក្យក្រសួងវប្បធម៌ បានប្រាប់សារព័ត៌មានថ្មីៗ នៅថ្ងៃទី៣ ខែមករា ឆ្នាំ២០២២ ថា ក្រសួងនៅពុំទាន់បានដឹងព័ត៌មានច្បាស់លាស់ អំពីការចម្លងប្រាសាទខ្មែរ នៅលើទឹកដីវៀតណាមនោះទេ។ បន្ថែមពីនោះ លោកអះអាងថា ក្រសួងវប្បធម៌ ក៏ពុំដែលអនុញ្ញាត ឬផ្ដល់សិទ្ធិសាងសង់ប្រាសាទខ្មែរ ទៅប្រទេសវៀតណាមដែរ។ បច្ចុប្បន្នក្រសួងវប្បធម៌ និងអាជ្ញាធរជាតិអប្សរា កំពុងធ្វើការជាមួយស្ថានទូតខ្មែរ ប្រចាំប្រទេសវៀតណាម ដើម្បីរកព័ត៌មានច្បាស់លាស់ ពាក់ព័ន្ធករណីខាងលើ។
លោក ឡុង ប៉ុណ្ណាសិរីវត្ថ មានប្រសាសន៍ថា៖«យើងមិនដឹងរឿងពាក់ព័ន្ធនឹងការសាងសង់នេះទេ ហើយយើងក៏ពុំបានអនុញ្ញាតអ្វីដែរ។ យើងកំពុងដំណើរការកិច្ចការងារនេះ។ យើងទាក់ទងស្ថានទូតខ្មែរប្រចាំនៅវៀតណាម ឬអគ្គកុងសុល ដើម្បីទទួលបានព័ត៌មានច្បាស់លាស់ និងគោលបំណងជាក់លាក់របស់គេ។ ប្រសិនបើបានព័ត៌មានជាក់លាក់ តាមរយៈក្រសួងការបរទេស យើងអាចឱ្យខាងស្ថានទូតវៀតណាមបំភ្លឺ»។
អ្នកនាំពាក្យក្រសួងវប្បធម៌រូបនេះ បញ្ជាក់ថា នៅពេលទទួលបានព័ត៌មានជាក់លាក់ ក្រសួងត្រូវការសិក្សាបន្ថែមទៀត ថាការចម្លងនោះទាំងស្រុងឬក៏យកផ្នែកណាមួយនៃប្រាសាទខ្មែរ។ បន្ថែមពីនោះ ក្រសួងក៏ត្រូវសិក្សាពីគោលបំណងនៃការចម្លងប្រាសាទនោះដែរ។
«ខ្លះគេចម្លងទាំងស្រុងយកទៅ នោះគឺមិនបានទេ។ ជួនកាលគេសាងសង់ក្នុងបំណងណាមួយផ្សេងទៀត ដូចជាដាក់ក្នុងទីតាំងហ្នឹង ដើម្បីឱ្យភ្ញៀវបានដឹង ហើយដើម្បីបន្តដំណើរទស្សនកិច្ចនៅស្រុកយើង។ សំខាន់គឺបានព័ត៌មានសិន។ ទោះយ៉ាងណាយើងមិនធ្វើឱ្យប៉ះពាល់ប្រយោជន៍របស់យើងទេ»។ នេះគឺជាការបញ្ជាក់របស់លោក ប៉ុណ្ណាសិរីវត្ថ។
លោក ប៉ុណ្ណាសិរីវត្ថ នៅពុំទាន់អាចបញ្ជាក់បាននៅឡើយទេថា ការងារស្រាវជ្រាវពីការសង់ប្រាសាទខ្មែរ នៅប្រទេសវៀតណាម នឹងទទួលបានព័ត៌មានច្បាស់ការនៅពេលណា។ លោក បញ្ជាក់ថា នៅពេលទទួលបានព័ត៌មានច្បាស់លាស់ ក្រសួងនឹងប្រាប់។ លោកពន្យល់ដូច្នេះថា៖«កូវីដផងអីផង តើគេចុះទៅរបៀបម៉េច គេកំពុងរៀបចំរបស់គេនៅទីនោះ។ យើងប្រមូលព័ត៌មានសិន មុននឹងយើងប្រតិកម្មអ្វីមួយ»។
សូមបញ្ជាក់ថា ថ្មីៗនេះ គេ បានឃើញវីដេអូ និងរូបភាពអំពីប្រាសាទ ដែលមើលទៅមានទម្រង់ដូចប្រាសាទតាព្រហ្មផង និងដូចប្រាសាទបាយ័នផង ទើបត្រូវបានសាងសង់នៅលើទឹកដីវៀតណាម។ វីដេអូ រូបភាព និង ព័ត៌មានអំពីការចម្លងប្រាសាទខ្មែរនេះ ត្រូវបានប្រជាពលរដ្ឋខ្មែរខ្លះ នាំគ្នាចែករំលែកលើបណ្តាញសង្គម ហើយក៏មានសារព័ត៌មានក្នុងស្រុកមួយចំនួន បានចុះផ្សាយដែរ។ តាមពិត ជនជាតិវៀតណាម ធ្លាប់ថតរូបប្រាសាទ ដែលត្រូវបានសាងសង់លើទឹកដីវៀតណាម ដោយយកតាមគំរូប្រាសាទខ្មែរនេះ យកទៅបង្ហោះលើបណ្តាញសង្គម តាំងពីឆ្នាំ២០១៨មកម្ល៉េះ។ រហូតដល់ឆ្នាំ២០២១ គេ ក៏ឃើញមានការចែករំលែកលើបណ្តាញសង្គមពីសំណាក់ប្រជាពលរដ្ឋខ្មែរ នូវវីដេអូ រូបភាព និង ព័ត៌មានអំពីការចម្លងប្រាសាទខ្មែរនេះនៅលើទឹកដីវៀតណាម ហើយចាប់ផ្តើមបន្តចែករំលែងឡើងវិញ នៅដើមឆ្នាំ២០២២នេះ។
កាលពីអំឡុងឆ្នាំ២០២១ មានព័ត៌មានដូចគ្នានេះ កើតឡើងនៅប្រទេសថៃ គឺការចម្លងប្រាសារបុរាណខ្មែរ នៅខេត្តបុរីរម្យ។ ប្រាសាទ ដែលថៃសាងសង់នោះ គឺយកគំរូតាមប្រាសាទអង្គរវត្ត។ ពេលនោះ ប្រជាពលរដ្ឋខ្មែរ នាំគ្នាប្រតិកម្ម និងសម្តែងការពេញចិត្ត ចំពោះការចម្លងប្រាសាទអង្គរវត្តពីសំណាក់ប្រទេសថៃ។ រដ្ឋមន្រ្តីក្រសួងវប្បធម៌កម្ពុជា ថែមទាំងជួបពិភាក្សាជាមួយឯកអគ្គរាជទូតថៃប្រចាំកម្ពុជាផងដែរ ដើម្បីសួរនាំពីការចម្លងប្រាសាទអង្គរវត្ត។ តែមកដល់ពេលនេះ គេ មិនទាន់ឮព័ត៌មានពីភាគីថៃនៅឡើយទេ ជុំវិញការចម្លងប្រាសាទអង្គរវត្ត ហើយថៃ សម្រេចផ្អាកការសាងសង់ប្រាសាទដូចអង្គរវត្តនេះ ឬបន្តការសាងសង់នោះ ក៏គេ មិនឃើញមានព័ត៌មានផ្លូវការណាមួយ ពីក្រសួងវប្បធម៌កម្ពុជាដែរ៕
លោក ឡុង ប៉ុណ្ណាសិរីវត្ថ អ្នកនាំពាក្យក្រសួងវប្បធម៌ បានប្រាប់សារព័ត៌មានថ្មីៗ នៅថ្ងៃទី៣ ខែមករា ឆ្នាំ២០២២ ថា ក្រសួងនៅពុំទាន់បានដឹងព័ត៌មានច្បាស់លាស់ អំពីការចម្លងប្រាសាទខ្មែរ នៅលើទឹកដីវៀតណាមនោះទេ។ បន្ថែមពីនោះ លោកអះអាងថា ក្រសួងវប្បធម៌ ក៏ពុំដែលអនុញ្ញាត ឬផ្ដល់សិទ្ធិសាងសង់ប្រាសាទខ្មែរ ទៅប្រទេសវៀតណាមដែរ។ បច្ចុប្បន្នក្រសួងវប្បធម៌ និងអាជ្ញាធរជាតិអប្សរា កំពុងធ្វើការជាមួយស្ថានទូតខ្មែរ ប្រចាំប្រទេសវៀតណាម ដើម្បីរកព័ត៌មានច្បាស់លាស់ ពាក់ព័ន្ធករណីខាងលើ។
លោក ឡុង ប៉ុណ្ណាសិរីវត្ថ មានប្រសាសន៍ថា៖«យើងមិនដឹងរឿងពាក់ព័ន្ធនឹងការសាងសង់នេះទេ ហើយយើងក៏ពុំបានអនុញ្ញាតអ្វីដែរ។ យើងកំពុងដំណើរការកិច្ចការងារនេះ។ យើងទាក់ទងស្ថានទូតខ្មែរប្រចាំនៅវៀតណាម ឬអគ្គកុងសុល ដើម្បីទទួលបានព័ត៌មានច្បាស់លាស់ និងគោលបំណងជាក់លាក់របស់គេ។ ប្រសិនបើបានព័ត៌មានជាក់លាក់ តាមរយៈក្រសួងការបរទេស យើងអាចឱ្យខាងស្ថានទូតវៀតណាមបំភ្លឺ»។
អ្នកនាំពាក្យក្រសួងវប្បធម៌រូបនេះ បញ្ជាក់ថា នៅពេលទទួលបានព័ត៌មានជាក់លាក់ ក្រសួងត្រូវការសិក្សាបន្ថែមទៀត ថាការចម្លងនោះទាំងស្រុងឬក៏យកផ្នែកណាមួយនៃប្រាសាទខ្មែរ។ បន្ថែមពីនោះ ក្រសួងក៏ត្រូវសិក្សាពីគោលបំណងនៃការចម្លងប្រាសាទនោះដែរ។
«ខ្លះគេចម្លងទាំងស្រុងយកទៅ នោះគឺមិនបានទេ។ ជួនកាលគេសាងសង់ក្នុងបំណងណាមួយផ្សេងទៀត ដូចជាដាក់ក្នុងទីតាំងហ្នឹង ដើម្បីឱ្យភ្ញៀវបានដឹង ហើយដើម្បីបន្តដំណើរទស្សនកិច្ចនៅស្រុកយើង។ សំខាន់គឺបានព័ត៌មានសិន។ ទោះយ៉ាងណាយើងមិនធ្វើឱ្យប៉ះពាល់ប្រយោជន៍របស់យើងទេ»។ នេះគឺជាការបញ្ជាក់របស់លោក ប៉ុណ្ណាសិរីវត្ថ។
លោក ប៉ុណ្ណាសិរីវត្ថ នៅពុំទាន់អាចបញ្ជាក់បាននៅឡើយទេថា ការងារស្រាវជ្រាវពីការសង់ប្រាសាទខ្មែរ នៅប្រទេសវៀតណាម នឹងទទួលបានព័ត៌មានច្បាស់ការនៅពេលណា។ លោក បញ្ជាក់ថា នៅពេលទទួលបានព័ត៌មានច្បាស់លាស់ ក្រសួងនឹងប្រាប់។ លោកពន្យល់ដូច្នេះថា៖«កូវីដផងអីផង តើគេចុះទៅរបៀបម៉េច គេកំពុងរៀបចំរបស់គេនៅទីនោះ។ យើងប្រមូលព័ត៌មានសិន មុននឹងយើងប្រតិកម្មអ្វីមួយ»។
សូមបញ្ជាក់ថា ថ្មីៗនេះ គេ បានឃើញវីដេអូ និងរូបភាពអំពីប្រាសាទ ដែលមើលទៅមានទម្រង់ដូចប្រាសាទតាព្រហ្មផង និងដូចប្រាសាទបាយ័នផង ទើបត្រូវបានសាងសង់នៅលើទឹកដីវៀតណាម។ វីដេអូ រូបភាព និង ព័ត៌មានអំពីការចម្លងប្រាសាទខ្មែរនេះ ត្រូវបានប្រជាពលរដ្ឋខ្មែរខ្លះ នាំគ្នាចែករំលែកលើបណ្តាញសង្គម ហើយក៏មានសារព័ត៌មានក្នុងស្រុកមួយចំនួន បានចុះផ្សាយដែរ។ តាមពិត ជនជាតិវៀតណាម ធ្លាប់ថតរូបប្រាសាទ ដែលត្រូវបានសាងសង់លើទឹកដីវៀតណាម ដោយយកតាមគំរូប្រាសាទខ្មែរនេះ យកទៅបង្ហោះលើបណ្តាញសង្គម តាំងពីឆ្នាំ២០១៨មកម្ល៉េះ។ រហូតដល់ឆ្នាំ២០២១ គេ ក៏ឃើញមានការចែករំលែកលើបណ្តាញសង្គមពីសំណាក់ប្រជាពលរដ្ឋខ្មែរ នូវវីដេអូ រូបភាព និង ព័ត៌មានអំពីការចម្លងប្រាសាទខ្មែរនេះនៅលើទឹកដីវៀតណាម ហើយចាប់ផ្តើមបន្តចែករំលែងឡើងវិញ នៅដើមឆ្នាំ២០២២នេះ។
កាលពីអំឡុងឆ្នាំ២០២១ មានព័ត៌មានដូចគ្នានេះ កើតឡើងនៅប្រទេសថៃ គឺការចម្លងប្រាសារបុរាណខ្មែរ នៅខេត្តបុរីរម្យ។ ប្រាសាទ ដែលថៃសាងសង់នោះ គឺយកគំរូតាមប្រាសាទអង្គរវត្ត។ ពេលនោះ ប្រជាពលរដ្ឋខ្មែរ នាំគ្នាប្រតិកម្ម និងសម្តែងការពេញចិត្ត ចំពោះការចម្លងប្រាសាទអង្គរវត្តពីសំណាក់ប្រទេសថៃ។ រដ្ឋមន្រ្តីក្រសួងវប្បធម៌កម្ពុជា ថែមទាំងជួបពិភាក្សាជាមួយឯកអគ្គរាជទូតថៃប្រចាំកម្ពុជាផងដែរ ដើម្បីសួរនាំពីការចម្លងប្រាសាទអង្គរវត្ត។ តែមកដល់ពេលនេះ គេ មិនទាន់ឮព័ត៌មានពីភាគីថៃនៅឡើយទេ ជុំវិញការចម្លងប្រាសាទអង្គរវត្ត ហើយថៃ សម្រេចផ្អាកការសាងសង់ប្រាសាទដូចអង្គរវត្តនេះ ឬបន្តការសាងសង់នោះ ក៏គេ មិនឃើញមានព័ត៌មានផ្លូវការណាមួយ ពីក្រសួងវប្បធម៌កម្ពុជាដែរ៕
Tag:
វប្បធម៌
ប្រាសាទ
© រក្សាសិទ្ធិដោយ thmeythmey.com
