ប្រមុខរដ្ឋាភិបាលកម្ពុជា ថ្លែងដូច្នេះ៖««សូមអំពាវនាវឱ្យប្រជាពលរដ្ឋប្រឹងប្រែងដើម្បីធ្វើយ៉ាងណា កុំឱ្យដើរថយក្រោយ។ ខានចូលឆ្នាំ២ឆ្នាំហើយ ឥឡូវឆ្នាំនេះប្ដូរផ្ដាច់ចូលឆ្នាំ។ នាំគ្នារាំលេងសប្បាយទៅ តែរាំឱ្យឃ្លាតពីគ្នាបន្តិច»។
 

ទន្ទឹមនឹងសុដ្ឋិនិយមថាអាចនឹងប្រារព្ធពិធីបុណ្យចូលឆ្នាំដោយគ្មានហានិភ័យឆ្លងកូវីដ-១៩ សម្ដេច ហ៊ុន សែន ក៏បានលើកឧទាហរណ៍នៃលំហូរទេសចរ ជិត ១លាននាក់ ដែលបានដើរកម្សាន្ត ក្នុងពិធីបុណ្យចូលឆ្នាំប្រពៃណីចិនកន្លងទៅនេះដែរ។ ដ្បិតមានចរន្តទេសចរដើរលេងដ៏ច្រើន ប៉ុន្តែសម្តេច ហ៊ុន សែន គូសបញ្ជាក់ថា មិនមានការឆ្លងរាលដាលជំងឺកូវីដ-១៩ ច្រើន គួរឱ្យកត់សម្គាល់នោះទេ។

 

គួរបញ្ជាក់ផងដែរថា រដ្ឋាភិបាលកម្ពុជា មិនអនុញ្ញាតឱ្យប្រារព្ធពិធីបុណ្យចូលឆ្នាំប្រពៃណីខ្មែរ ចំនួន២ឆ្នាំហើយ គឺឆ្នាំ ២០២០ និង២០២១ ដោយសារការរីករាលនៃជំងឺកូវីដ-១៩៕