ក្នុងសន្និបាតបូកសរុបលទ្ធផលការងារក្នុងឆ្នាំ២០២១របស់ក្រសួងវប្បធម៌ អ្នកស្រី ភឿង សកុណា បានបង្ហាញសមិទ្ធិផលនានា ដែលក្រសួងរបស់អ្នកស្រី សម្រេចបានរយៈពេលជាង៣ឆ្នាំមកនេះ ដោយគិតចាប់តាំពីដើមអាណត្តិទី៦នេះ រហូតមកដល់ជាងពាក់កណ្តាលអាណត្តិ។ ការទទួលបានវត្ថុបុរាណពីប្រភពនានា គឺសមិទ្ធផល១ ក្នុងចំណោមសមិទ្ធផលទាំងនោះ ដែលអ្នកស្រីលើកឡើងក្នុងសុន្ទរកថារបស់អ្នកស្រី ។ 
 

ក្រៅពីនេះ អ្នកស្រីរដ្ឋមន្រ្តី បានរំលេចក្នុងសុន្ទរកថារបស់អ្នកស្រី អំពីកិច្ចការដទៃទៀតរបស់ក្រសួងវប្បធម៌ ដែលសម្រេចកន្លងមក រួមមាន ជួលជុល និងអភិរក្សសំណង់បុរាណជាង១០០ វត្ថុបុរាណ វត្ថុសិល្បៈជាង២ពាន់ វត្ថុជាតិពន្ធុសាស្រ្តជាង៥០០ និង សាស្រ្តាស្លឹករឹតជាង៣ម៉ឺនខ្សែរ ។ល។
 

តាមរយៈសុន្ទរកថា អ្នកស្រីរដ្ឋមន្រ្តី ប្រកាសថា ក្រសួងវប្បធម៌ នៅតែបន្តខិតខំអនុវត្តការងារ តាមគន្លងបរិបទថ្មីនៃជំងឺកូវីដ-១៩៕