ជាមួយនឹងវិធានការនេះ និយ័តករទូរគមនាគមន៍កម្ពុជា បានបញ្ជាក់ពីការតាំងចិត្តរបស់ខ្លួន ថានឹងបន្តសហការជាមួយអគ្គស្នងការដ្ឋាននគរបាលជាតិ អាជ្ញាធរពាក់ព័ន្ធ និងប្រតិបត្តិករទូរគមនាគមន៍ទាំងអស់ ដើម្បីលុបបំបាត់រាល់ឈ្មោះដែនដែលធ្វើប្រតិបត្តិការ និងផ្តល់សេវាល្បែងស៊ីសងអនឡាញ និងល្បែងឆ្នោតខុសច្បាប់កម្ពុជា។

 

និយ័តករទូរគមនាគមន៍កម្ពុជា ក៏ស្នើឱ្យពលរដ្ឋរាយការណ៍ឈ្មោះដែនដែលធ្វើប្រតិបត្តិការ និងផ្តល់សេវាល្បែងស៊ីសងអនឡាញ ល្បែងឆ្នោតខុសច្បាប់ និងបង្ហោះរូបភាព និងវីដេអូអាសអាភាសកុមារក្នុងប្រទេសកម្ពុជា ទៅកាន់លេខទូរសព្ទ ៦៧៨៩ រៀងរាល់ម៉ោងធ្វើការ ឬតាមបណ្តាញសង្គមហ្វេសប៊ុករបស់និយ័តករទូរគមនាគមន៍កម្ពុជាតាមរយៈ។ រាល់ការរាយការណ៍នឹងត្រូវរក្សាទុកជាការសម្ងាត់។ នេះជាការអះអាងរបស់និយ័តករទូរគមនាគមន៍កម្ពុជា៕