ចិន ដែលមានសេដ្ឋកិច្ចធំទីពីរលើពិភពលោក ទទួលបានកំណើនសេដ្ឋកិច្ចរហូតដល់៨,១ភាគរយកាលពី២០២១ ដែលចំនួននេះបានលើសពីចំនួនគោលដៅរបស់រដ្ឋាភិបាលដែលមានត្រឹម៦ភាគរយ។ សម្រាប់ឆ្នាំ២០២២ រដ្ឋាភិបាលចិន បានបន្ទាបកំណើន GDP របស់ខ្លួនទៀត។

 

ថ្លែងនៅក្នុងកិច្ចប្រជុំប្រចាំឆ្នាំ២០២២ របស់សភាប្រជាជនចិនដែលចាប់ផ្ដើមនៅថ្ងៃទី៥ ខែមីនា នាយករដ្ឋមន្រ្តីចិន លី ខឹឈាំង បញ្ជាក់ថា រដ្ឋាភិបាលចិនបានសម្រេចកាត់បន្ថយគោលដៅកំណើន GDP មកត្រឹម៥,៥ភាគរយតែប៉ុណ្ណោះ។ ក្នុងរបាយការណ៍ប្រចាំឆ្នាំរបស់រដ្ឋាភិបាល លោក លី បន្តថា គោលដៅឱនភាពថវិកាឆ្នាំ២០២២ មានប្រហែល២,៨ភាគរយនៃ GDP ខណៈឆ្នាំ២០២១ មានប្រហែល៣,២ភាគរយ។
 

ចំណែកគោលដៅសន្ទស្សន៍តម្លៃទំនិញប្រើប្រាស់ត្រូវបានកំណត់ប្រហែល៣ភាគរយដែលមិនផ្លាស់ប្តូរពីឆ្នាំមុននោះទេ។
 

ចំពោះកំណត់កូតាសម្រាប់ការចេញសញ្ញាប័ណ្ណពិសេសរបស់រដ្ឋាភិបាលក្នុងតំបន់មាន ចំនួន៣,៦៥ពាន់ពាន់លានយ័ន ឬ ៥៧៨ ពាន់លានដុល្លារ ដែលមិនផ្លាស់ប្តូរពីឆ្នាំ២០២១៕