ម្ចាស់ក្សត្រិយ៍ អេហ្សាបេតទី២ ប្រសូត្រនៅក្នុងឆ្នាំ១៩២៦ និងបច្ចុប្បន្នជាម្ចាស់ក្សត្រីនៃចក្រភពអង់គ្លេស។ ព្រះអង្គ ជាបុត្រីច្បងរបស់មហាក្សត្រ  George VI និងបានគ្រងរាជ្យបន្តពីបិតានៅឆ្នាំ ១៩៥២។ មិនត្រឹមតែជាប្រមុខរដ្ឋអងគ្លេសឡើយ ម្ចាស់ក្សត្រិយ៍អេលីហ្សាបេតទី២ ក៏ជាប្រមុខរដ្ឋគ្រងរាជ្យកាណាដា អូស្ត្រាលី នូវែលសេឡង់ ក៏ដូចជាប្រទេសកោះមួយចំនួននៅការ៉ាអ៊ីប និងមហាសមុទ្រឥណ្ឌាផងដែរ។
 

មុនឡើងសោយរាជ្យ ក្នុងឆ្នាំ ១៩៤៥ ជាពេលមានសង្គ្រាមលោកលើកទី២ ម្ចាស់ក្សត្រី Elizabeth II បានចូលបំរើកងទ័ពក្នុងអង្គភាព សេវាកម្មដែនដីជំនួយរបស់ស្ត្រី (Women’s Auxiliary Territory Service)។​ ATS បានផ្តល់ការគាំទ្រដ៏សំខាន់ក្នុងអំឡុងពេលសង្រ្គាម ដោយសមាជិករបស់ខ្លួនត្រូវបម្រើការជាអ្នកបាញ់កាំភ្លើងប្រឆាំងយន្តហោះ ប្រតិបត្តិករវិទ្យុ មេកានិក និងអ្នកបើកបរ។
 

គិតមកទល់ពេលនេះ ម្ចាស់ក្សត្រិយអង់គ្លេស មានព្រះជន្ម ៩៥ វស្សាដែលធ្វើឱ្យទ្រង់ជាមហាក្សត្រអង់គ្លេសដែលសោយរាជ្យយូរជាងគេ និងជាប្រមុខរដ្ឋជាស្ត្រីដែលកាន់តំណែងយូរបំផុតក្នុងប្រវត្តិសាស្ត្រ។ 
 

ចំណែកម្ចាស់ក្សត្រិយម៉ាហ្ការ៉េត ប្រសូត្រនៅឆ្នាំ១៩៤០ និងជាបុត្រីច្បងនៃមហាក្សត្រ Frederick IX។ ហើយបានស្នងរាជ្យបន្តពីបិតាក្នុងឆ្នាំ១៩៧២។ ម្ចាស់ក្សត្រិយម៉ាហ្ការ៉េត បានក្លាយជាស្ដេចស្រីដំបូងដែលគ្រងរាជ្យ ចាប់តាំងពីម្ចាស់ក្សត្រី Margrethe I ដែលគ្រងរាជ្យពីឆ្នាំ១៣៧៥ ដល់ឆ្នាំ១៤១២។ 
 

ម្ចាស់ក្សត្រិយអង្គនេះ មានចំណង់ចំណូលចិត្តខាងបុរាណវត្ថុ។ ទ្រង់បានចូលរួមក្នុងការជីកកកាយជាច្រើន រួមទាំងនៅក្នុងប្រទេសអ៊ីតាលី អេហ្ស៊ីប ដាណឺម៉ាក និងអាមេរិកខាងត្បូង​។ គិតមកទល់ពេលនេះ ម្ចាស់ក្សត្រិយដាណឺម៉ាត មានព្រះជន្ម៨១វស្សា និងបានគ្រងរាជ្យអស់រយៈពេលជាង៥០ឆ្នាំហើយ៕