បើតាមលោកស្រី Christine Lambrecht យន្តហោះចម្បាំង F-35A អភិវឌ្ឍដោយក្រុមហ៊ុន Lockheed Martin នឹងជំនួសយន្តហោះចម្បាំងអាល្លឺម៉ង់ Tornado ដែលមានអាយុចំណាស់។ ទន្ទឹមនេះ អាល្លឺម៉ង់ នឹងអភិវឌ្ឍយន្តហោះចម្បាំង Eurofighter Typhoon សម្រាប់សង្រ្គាមអេឡិចត្រូនិច។ 

 

ការសម្រេចចិត្តទិញយន្តហោះចម្បាំងជំនាន់ទី៥ របស់អាម៉េរិកនេះ ធ្វើឡើងតែរយៈពេលពីរសប្តាហ៍ប៉ុណ្ណោះ បន្ទាប់ពីអាល្លឺម៉ង់បានចាប់ផ្តើមមូលនិធិទំនើបកម្មយោធា ក្នុងទំហំ ១១២ពាន់លានដុល្លារ និងសន្យាបង្កើនការចំណាយលើវិស័យការពារជាតិឱ្យបានត្រឹម ២ភាគរយនៃផលិតផលក្នុងស្រុកសរុប ដែលអនុវត្តតាមការទាមទាររបស់សម្ព័ន្ធយោធាណាតូ៕