ផ្ទាំងបដាមួយចំនួនត្រូវបានឆាបឆេះ ដែលបណ្តាលមកពីការដុតភ្លើងកាំជ្រួច ពីសំណាក់ក្រុមអ្នកគាំទ្រ ។ភ្លើងដែលឆាបឆេះបានកើតឡើង លាយលំជាមួយផ្សែងពណ៍ខ្មៅ ពេលកីឡាករត្រៀមប្រកួតលើទីលាន។


 

ទោះបីជាយ៉ាងនេះក្តីក្រុមសន្តិសុខ ដែលស្ថិតនៅការពារក្នុងកីឡដ្ឋាន បានយកចិត្តទុកដាក់គ្រប់គ្រងស្ថានការណ៍បានយ៉ាងល្អ ដោយបានបន្លត់ភ្លើងនោះយ៉ាងឆាប់រហ័ស។ បើតាមសេចក្តីរាយការណ៍ គ្មានអ្នកគាំទ្រណាម្នាក់ទទួលរងរបួសឡើយ ហើយការប្រកួតរវាងក្រុមទាំងពីរ ក៏បានប្រព្រឹត្តទៅដោយរលូនធម្មតា ក្រោយគ្រប់គ្រងស្ថានភាពអគ្គិភ័យនេះ។
 

សម្រាប់ការប្រកួតនេះ ក្រុមម្ចាស់ផ្ទះ Ajax បានប្រយុទ្ធវាយបកយកឈ្នះលើក្រុម Feyenoord ក្នុងលទ្ធផល ៣-២។
 

ជ័យជម្នះដែលជាគ្រាប់ចុងម៉ោងរបស់ Ajax បានជួយឱ្យក្រុមមួយនេះ បន្តស្ថិតនៅលើកំពូលតារាងក្របខណ្ឌ Eredivisie ប្រទេសហូឡង់ ដែលមាន ៦៦ពិន្ទុ នាំមុខក្រុម PSV Eindhoven ឈរលេខ២ ដែលមាន ៦៤ពិន្ទុ និង Feyenoord លេខ៣មានត្រឹម ៥៥ពិន្ទុ៕