លោកនាយករដ្ឋមន្រ្តី ហ៊ុន សែន ឱ្យមន្រ្តីទាំងអស់ត្រូវចេះប្រើប្រាស់ទូរស័ព្ទ សម្រាប់ទំនាក់ទំនង និងប្រជុំផ្សេងៗ។ សម្ដេច ហ៊ុន សែន ថ្លែងថា ក្នុងសម័យបច្ចេកវិទ្យានេះ មន្រ្តីទាំងអស់ មិនអាចបន្តទំនាក់ទំនងតាមការហៅទូរស័ព្ទ (Call) ទៀតនោះទេ។ សម្ដេច ទំនងជារំខានអារម្មណ៍ជាមួយមន្រ្តីដែលអក្ខរកម្មព័ត៌មានវិទ្យា។

 

«ទេ សម័យនេះហើយ! អស់លោកឧបនាយករដ្ឋមន្រ្តី អស់លោករដ្ឋមន្រ្តី អស់លោកទាំងឡាយ     មន្រ្តីកម្ពុជា ទាំងអស់ ត្រូវតែរៀនសូត្រ (ព័ត៌មានវិទ្យា)។ ពីមុនខ្ញុំប្រើពាក្យថា អក្ខរកម្មកុំព្យូទ័រ។ ឥឡូវ ខ្ញុំប្រើពាក្យអក្ខរកម្មព័ត៌មានវិទ្យា»។ នេះបើតាមសម្ដេច ហ៊ុន សែន​ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការអគារមជ្ឈមណ្ឌលត្រចៀក ច្រមុះ បំពង់ក នៃមនី្ទរពេទ្យព្រះអង្គឌួង នៅព្រឹកថ្ងៃទី២៨ មីនា។