សុខភាព
អន្តរជាតិ
×![]()
ដោយ: ឈួន ឈីវអុីង
ការសិក្សាថ្មីមួយបានបង្ហាញថា ស្ទើរតែពាក់កណ្ដាលនៃមនុស្សចាស់ដែលបានស្លាប់ គឺសុទ្ធតែមានជំងឺវង្វេងនៅពេលធ្វើរោគវិនិច្ឆ័យ។ អត្រានេះត្រូវបានកត់សម្គាល់ថាកើនឡើងយ៉ាងឆាប់រហ័ស គឺដល់ទៅ៣៦ភាគរយឯណោះ ក្នុងរយៈពេល ២០ឆ្នាំចុងក្រោយ។ ប៉ុន្តែការកើនឡើងឆាប់រហ័សនេះ នឹងធ្វើឱ្យមនុស្សទូទៅយល់ដឹងកាន់តែប្រសើរឡើង និងប្រុងប្រយ័ត្នឱ្យបានខ្ពស់អំពីបញ្ហានេះ។
ការសិក្សាដែលត្រូវបានចេញផ្សាយលើទំព័រវេទិកាសុខភាព JAMA ដោយក្រុមអ្នកស្រាវជ្រាវរបស់សាកលវិទ្យាល័យ Michigan បានបង្ហាញថា បច្ចុប្បន្នស្ទើរតែពាក់កណ្តាលនៃមនុស្សចាស់ដែលបានស្លាប់ គឺមានការធ្វើរោគវិនិច្ឆ័យថាមានជំងឺវង្វេង។ អត្រាអ្នកស្លាប់ជាមួយអាការជំងឺវង្វេងមានសន្ទុះកើនឡើងខ្លាំងគឺដល់ទៅ ៣៦ភាគរយក្នុងរយៈពេល ២០ឆ្នាំចុងក្រោយនេះ។
ការអះអាងនេះបានធ្វើឡើងដោយពឹងផ្អែកលើទិន្នន័យនៃការសិក្សាពីមនុស្ស ៣,៥លាននាក់ដែលមានអាយុលើសពី ៦៧ឆ្នាំឡើង និងបានស្លាប់អំឡុងឆ្នាំ២០០៤ ដល់២០១៧។ ការសន្និដ្ឋានបានធ្វើឡើងតាមការវិភាគលើសំបុត្រវិនិច្ឆ័យរោគក្នុងរយៈពេល ២ឆ្នាំចុងក្រោយនៃជីវិតរបស់អ្នកជំងឺដែលគ្រូពេទ្យប្រចាំរបស់ពួកគេបានផ្តល់ឱ្យក្រុមអ្នកស្រាវជ្រាវ។
ក្នុងឆ្នាំ២០០៤ សំបុត្រវិនិច្ឆ័យរោគចុងក្រោយក្នុងជីវិតអ្នកជំងឺប្រហែល ៣៥ភាគរយ មានការកត់សម្គាល់យ៉ាងហោចណាស់មួយដងអំពីជំងឺវង្វេង ហើយវាកើនឡើងដល់ ៤៧ភាគរយនៅឆ្នាំ២០១៧។ ចំណែកអ្នកជំងឺដែលមានសំបុត្រវិនិច្ឆ័យរោគកត់ត្រាអំពីជំងឺវង្វេងយ៉ាងហោចណាស់ ២ដងមានអត្រា ៣៩ភាគរយដែលកើន ២៥ភាគរយបន្ថែមពីលើអត្រាឆ្នាំ ២០០៤។
អត្រាអ្នកស្លាប់ដែលមានរោគវិនិច្ឆ័យជំងឺវង្វេងមានការហក់ឡើងខ្ពស់គួរឱ្យកត់សម្គាល់។ វាគឺជាដំណឹងមិនល្អមួយប៉ុន្តែវានឹងជួយមនុស្សទូទៅឱ្យយល់ដឹងកាន់តែប្រសើរឡើង និងប្រុងប្រយ័ត្នឱ្យបានខ្ពស់អំពីបញ្ហានេះ។ លើសពីនេះ វានឹងជួយដាស់តឿនរម្លឹកចំពោះមនុស្សចាស់ឱ្យបានពិភាក្សាជាមុនជាមួយគ្រួសារ និងគ្រូពេទ្យជំនាញ ដើម្បីតាមដានសមត្ថភាពយល់ដឹង និងថែទាំសុខភាពខួរក្បាលមុនវិវដ្តទៅជាជំងឺវង្វេង។
គួរបញ្ជាក់ថា នេះគឺជាការសិក្សាដែលបានរកឃើញថាមានអ្នកស្លាប់ជាច្រើនមានការវិនិច្ឆ័យរោគថាមានជំងឺវង្វេង។ វាមិនទាន់មានការអះអាងច្បាស់លាស់ថាអ្នកស្លាប់នោះបានស្លាប់ដោយសារជំងឺវង្វេងឡើយ៕
ការសិក្សាដែលត្រូវបានចេញផ្សាយលើទំព័រវេទិកាសុខភាព JAMA ដោយក្រុមអ្នកស្រាវជ្រាវរបស់សាកលវិទ្យាល័យ Michigan បានបង្ហាញថា បច្ចុប្បន្នស្ទើរតែពាក់កណ្តាលនៃមនុស្សចាស់ដែលបានស្លាប់ គឺមានការធ្វើរោគវិនិច្ឆ័យថាមានជំងឺវង្វេង។ អត្រាអ្នកស្លាប់ជាមួយអាការជំងឺវង្វេងមានសន្ទុះកើនឡើងខ្លាំងគឺដល់ទៅ ៣៦ភាគរយក្នុងរយៈពេល ២០ឆ្នាំចុងក្រោយនេះ។
ការអះអាងនេះបានធ្វើឡើងដោយពឹងផ្អែកលើទិន្នន័យនៃការសិក្សាពីមនុស្ស ៣,៥លាននាក់ដែលមានអាយុលើសពី ៦៧ឆ្នាំឡើង និងបានស្លាប់អំឡុងឆ្នាំ២០០៤ ដល់២០១៧។ ការសន្និដ្ឋានបានធ្វើឡើងតាមការវិភាគលើសំបុត្រវិនិច្ឆ័យរោគក្នុងរយៈពេល ២ឆ្នាំចុងក្រោយនៃជីវិតរបស់អ្នកជំងឺដែលគ្រូពេទ្យប្រចាំរបស់ពួកគេបានផ្តល់ឱ្យក្រុមអ្នកស្រាវជ្រាវ។
ក្នុងឆ្នាំ២០០៤ សំបុត្រវិនិច្ឆ័យរោគចុងក្រោយក្នុងជីវិតអ្នកជំងឺប្រហែល ៣៥ភាគរយ មានការកត់សម្គាល់យ៉ាងហោចណាស់មួយដងអំពីជំងឺវង្វេង ហើយវាកើនឡើងដល់ ៤៧ភាគរយនៅឆ្នាំ២០១៧។ ចំណែកអ្នកជំងឺដែលមានសំបុត្រវិនិច្ឆ័យរោគកត់ត្រាអំពីជំងឺវង្វេងយ៉ាងហោចណាស់ ២ដងមានអត្រា ៣៩ភាគរយដែលកើន ២៥ភាគរយបន្ថែមពីលើអត្រាឆ្នាំ ២០០៤។
អត្រាអ្នកស្លាប់ដែលមានរោគវិនិច្ឆ័យជំងឺវង្វេងមានការហក់ឡើងខ្ពស់គួរឱ្យកត់សម្គាល់។ វាគឺជាដំណឹងមិនល្អមួយប៉ុន្តែវានឹងជួយមនុស្សទូទៅឱ្យយល់ដឹងកាន់តែប្រសើរឡើង និងប្រុងប្រយ័ត្នឱ្យបានខ្ពស់អំពីបញ្ហានេះ។ លើសពីនេះ វានឹងជួយដាស់តឿនរម្លឹកចំពោះមនុស្សចាស់ឱ្យបានពិភាក្សាជាមុនជាមួយគ្រួសារ និងគ្រូពេទ្យជំនាញ ដើម្បីតាមដានសមត្ថភាពយល់ដឹង និងថែទាំសុខភាពខួរក្បាលមុនវិវដ្តទៅជាជំងឺវង្វេង។
គួរបញ្ជាក់ថា នេះគឺជាការសិក្សាដែលបានរកឃើញថាមានអ្នកស្លាប់ជាច្រើនមានការវិនិច្ឆ័យរោគថាមានជំងឺវង្វេង។ វាមិនទាន់មានការអះអាងច្បាស់លាស់ថាអ្នកស្លាប់នោះបានស្លាប់ដោយសារជំងឺវង្វេងឡើយ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
10 ម៉ោង
