កីឡាអន្តរជាតិ
អន្តរជាតិ
Arsenal រក្សាការឈរកំពូលតារាង ខណៈបច្ចេកវិទ្យាជួយដល់ Man City
× Arsenal បានរក្សាការនាំមុខរបស់ពួកគេក្នុងក្របខ័ណ្ឌ Premier League តាមរយៈការផ្តួល Fulham ២-០ កាលពីថ្ងៃសៅរ៍ ខណៈដែលប្រព័ន្ធបច្ចេកវិទ្យាមើលគ្រាប់បាល់ បានជួយឲ្យដល់ Manchester City នៅពេលដែលពួកគេបានផ្តួល Cardiff City។
Arsenal ដឹងថា ការមិនទទួលជ័យជម្នះអាចនឹងអនុញ្ញាតឲ្យ Man City ឡើងឈរពីលើពួកគេ ប៉ុន្តែ Santi Cazorla បានស៊ុតបាត់បញ្ចូលទីពីរគ្រាប់ក្នុងតង់ទី២ដើម្បីជួយឲ្យពួកគេផ្តួល Fulham នៅកីឡដ្ឋាន Emirates តែម្តង។
អ្នកចាំទី Maarten Stekelenburg របស់ Fulham បានធ្វើឲ្យ Arsenal ខកចិត្តក្នុងតង់ទី១ ប៉ុន្តែ រូបគេមិនអាចជួយសង្គ្រោះបានឡើយនៅនាទី ទី៥៧ នៅពេលដែល Cazorla បានស៊ុតបាល់ផុតដៃរបស់គេ ក្រោយពីការលេងស៊ីចង្វាក់គ្នាយ៉ាងល្អរវាង Olivier Giroud និង Jack Wilshere នៅមុនពេលខ្សែបម្រើសញ្ជាតិអេស្ប៉ាញរូបនេះ បានបន្ថែមគ្រាប់បាល់ទី២ក្នុងរយៈពេល៥នាទីក្រោយមក។
នៅខណៈនោះផងដែរ ខ្សែប្រយុទ្ធ Edin Dzeko បានរកគ្រាប់បាល់បញ្ចូលទីបើកឆាកនៅនាទី ទី១៤ ជាមួយគ្រាប់បាល់មួយដែលជាគ្រាប់បាល់ទី១០០របស់ Man City ក្នុងរដូវកាលនេះ និងជាគ្រាប់បាល់ទី១ដែលប្រព័ន្ធបច្ចេកវិទ្យាមើលគ្រាប់បាល់ត្រូវបានប្រើប្រាស់ដើម្បីកាត់សេចក្តីក្នុង Premier League ក្នុងពេល Man City ផ្តួល Cardiff ៤-២៕
លទ្ធផលកាលពីថ្ងៃសៅរ៍
ក្របខ័ណ្ឌអង់គ្លេស Premier League
Sunderland 2-2 Southampton
Crystal Palace 1-0 Stoke
Norwich 1-0 Hull
West Ham 1-3 Newcastle
Liverpool 2-2 Aston Villa
ក្របខ័ណ្ឌអេស្ប៉ាញ La Liga
Real Betis 0-5 Real Madrid
Elche 2-0 Rayo Vallecano
Granada CF 0-0 Osasuna
Espanyol 1-0 Celta de Vigo
ក្របខ័ណ្ឌអ៊ីតាលី Serie A
Roma 3-0 Livorno
Juventus 4-2 Sampdoria
ក្របខ័ណ្ឌបារាំង Ligue 1
Bastia 1-0 Bordeaux
Lorient 2-0 Guingamp
Nice 2-0 Ajaccio
Rennes 0-0 Evian Thonon Gaillard
Sochaux 0-2 Montpellier
ប្រែសម្រួលដោយ ផេង សំណាង
© រក្សាសិទ្ធិដោយ thmeythmey.com