Chelsea បានយល់ព្រមលក់ក្លិបទៅឱ្យម្ចាស់ថ្មី ដែលជាសម្ព័ន្ធភាពរបស់មហាសេដ្ឋីអាម៉េរិកលោក Todd Boehly, ក្រុមហ៊ុន Clearlake Capital, Mark Walter មហាសេដ្ឋីអង់គ្លេស និងលោក Hansjorg Wyss មហាសេដ្ឋីស្វីស ក្នុងតម្លៃ ៤,២៥ពាន់លានផោន (៥,២៦ពាន់លានដុល្លារ)។ ម្ចាស់ក្លិបថ្មីបានសន្យាវិនិយោគប្រាក់ចំនួន ១,៧៥ពាន់លានផោន(២,១៧ពាន់លានផោន) មកកាន់ក្លិប ក្រោយពេលការផ្ទេរបានបញ្ចប់នាចុងខែឧសភានេះ។
 

និយាយក្នុងសន្និសិទកាសែតមុនការប្រកួតរវាង Chelsea ទល់និងក្រុម Leicester City គ្រូបង្វឹកសញ្ជាតិអាល្លឺម៉ង់បានទទូចឱ្យឱ្យម្ចាស់ថ្មីមកកាន់កាប់ក្លិបឱ្យបានឆាប់រហ័សបំផុត។
 

«ខ្ញុំបានដឹងអំពីរបាយការណ៍ ប៉ុន្តែមកដល់ពេលនេះមិនមានព័ត៌មានថ្មីណាមួយឡើយ ខ្ញុំមិនដឹងអំពីរបុគ្គលិកលក្ខណៈរបស់ម្ចាស់ថ្មីដែលជិតមកដឹកនាំឡើយ ដូច្នេះរង់ចាំមើល។ ខ្ញុំនៅតែទទូចចង់ឱ្យម្ចាស់ថ្មីចូលមកដឹកនាំក្លិបឱ្យបានកាន់តែលឿនតាមតែអាចទៅបាន។ យើងនឹងមានលទ្ធភាពស្វែងរកកីឡាករសម្រាប់រដូវកាលបន្ទាប់។»។
 

ក្រុមតោខៀវកាលពីថ្ងៃទី១៤ ខែឧសភា បានប្រកួតចាញ់ក្រុម ​Liverpool ក្នុងការប្រកួតពានរង្វាន់ FA Cup វគ្គផ្តាច់ព្រ័ត្រ ដោយការទាត់បាល់កាត់សេចក្តី១១ ម៉ែត្រ។ នេះជាការចាញលើកទីពីររបស់តោខៀវក្រោមថ្វីជើង Liverpool ដោយកាលពីខែកុម្ភៈក្នុងពានរង្វាន់ EFL Cup វគ្គផ្តាច់ព្រ័ត្រ។
 

ទោះជាក្លិបជួបបញ្ហានាជិតបញ្ចប់រដូវកាលក្តីជុំវិញបញ្ហាពីសំណាក់ម្ចាស់ក្លិបចាស់លោក Roman Abramovich លោក Tuchel ក៏សង្ឃឹមក្រុមទទួលបានចំណាត់ថ្នាក់លេង៣នៅ Premier league ទោះក្រុមរងបរាជ័យច្រើននារយៈពេលចុងក្រោយ៕