ជាតិ
បោះឆ្នោត
ប្រជាពលរដ្ឋ ជ្រលក់ចង្អុលដៃនឹងទឹកខ្មៅ ពេលបោះឆ្នោតរួច នៅមណ្ឌលមួយ ក្រុងសៀមរាប នាព្រឹកថ្ងៃទី៥ ខែមិថុនា ឆ្នាំ២០២២។ រូបដោយ៖ អ៊ីសា រ៉ហានី
×![]()
ដោយ: សារព័ត៌មានថ្មីៗ
អ្នកដែលមិនបានទៅបោះឆ្នោត មិនត្រូវជ្រលក់ចង្អុលដៃនឹងទឹកខ្មៅអ្វីផ្សេង ដើម្បីបំភាន់ថា ខ្លួន បានទៅបោះឆ្នោតឡើយ ព្រោះទង្វើនេះ គឺអាចនាំឲ្យប្រឈមនឹងផ្លូវច្បាប់។
លោក ហង្ស ពុទ្ធា សមាជិក និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) មានប្រសាសន៍ជាមួយសារព័ត៌មានថ្មីៗ នៅព្រឹកថ្ងៃទី៥ ខែមិថុនា ឆ្នាំ២០២២ ថា គ.ជ.ប នឹងស៊ើបអង្កេតលើជនណា ដែលមិនបានទៅបោះឆ្នោត តែជ្រលក់ចង្អុលដៃនឹងទឹកខ្មៅ។ បើតាមអ្នកនាំពាក្យ ទឹកខ្មៅពិតប្រាកដ ដែលត្រូវបានប្រើប្រាស់សម្រាប់ជ្រលក់ចង្អុលដៃរបស់អ្នកបោះឆ្នោត យ៉ាងហោចណាស់មានរយៈពេល១សប្តាហ៍ ទើបជ្រះ ឬរលុប។
លោក បន្តថា ការស៊ើបអង្កេតនេះ ដើម្បីដឹងថា ជនដែលមិនបានទៅបោះឆ្នោតនោះ ជ្រលក់ចង្អុលដៃនឹងទឹកខ្មៅ ព្រោះចង់រួចបានរួចខ្លួនពីការប្រឈមមុខនឹងស្ថាប័នខ្លួន ឬរូបគេ មានចេតនាអ្វីផ្សេង។ យ៉ាងណា លោក មិនអាចបញ្ជាក់ឲ្យច្បាស់ឡើយថា អ្នកដែលមិនបានទៅបោះឆ្នោត ហើយលួចជ្រលក់ទឹកខ្មៅផ្សេង នឹងត្រូវមានទោសកម្រិតណា ដោយលោក អះអាងថា លុះត្រាតែឆ្លងកាត់ការស៊ើបអង្គេតលើរូបគេជាមុនសិន។
អ្នកនាំពាក្យរូបនេះ ថ្លែងដូច្នេះថា៖«[ការជ្រលក់ចអង្អុលដៃ ដើម្បីបំភាន់ថា បានទៅបោះឆ្នោត] គឺជាការបង្កើតព្រឹត្តិការណ៍ឲ្យមានការភាន់ច្រឡំដល់ការបោះឆ្នោត»។
ក្រៅពីមិនត្រូវជ្រលក់ចង្អុលដៃ ដើម្បីបន្លំថាបានបោះឆ្នោត លោក ហង្ស ពុទ្ធា បានផ្តល់អនុសាសន៍ដល់ប្រជាពលរដ្ឋ កុំឲ្យធ្វើសកម្មភាពមួយចំនួនផ្សេងទៀត ដែលនាំឲ្យខ្លួន ប្រឈមនឹងផ្លូវច្បាប់ដែរ។ អ្វី ដែលលោក ហាមប្រាមនោះ មានដូចជា មិនត្រូវបំផុសព័ត៌មាន ដែលធ្វើឲ្យប៉ះពាល់ដល់ទឹកចិត្តរបស់អ្នកបោះឆ្នោត និងមិនត្រូវបង្កសកម្មធ្វើឲ្យប៉ះពាល់ដល់ដំណើរការបោះឆ្នោត ជាដើម។
សូមបញ្ជាក់ថា អ្នកដែលមានឈ្មោះក្នុងបញ្ជីបោះឆ្នោត បានចេញទៅបោះឆ្នោតឃុំ-សង្កាត់អាណត្តិទី៥ នៅថ្ងៃទី៥ ខែមិថុនា ឆ្នាំ២០២២នេះ ដោយចាប់ផ្តើមពីម៉ោង៧ព្រឹក រហូតដល់ម៉ោង៣ល្ងាច៕
លោក ហង្ស ពុទ្ធា សមាជិក និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) មានប្រសាសន៍ជាមួយសារព័ត៌មានថ្មីៗ នៅព្រឹកថ្ងៃទី៥ ខែមិថុនា ឆ្នាំ២០២២ ថា គ.ជ.ប នឹងស៊ើបអង្កេតលើជនណា ដែលមិនបានទៅបោះឆ្នោត តែជ្រលក់ចង្អុលដៃនឹងទឹកខ្មៅ។ បើតាមអ្នកនាំពាក្យ ទឹកខ្មៅពិតប្រាកដ ដែលត្រូវបានប្រើប្រាស់សម្រាប់ជ្រលក់ចង្អុលដៃរបស់អ្នកបោះឆ្នោត យ៉ាងហោចណាស់មានរយៈពេល១សប្តាហ៍ ទើបជ្រះ ឬរលុប។
លោក បន្តថា ការស៊ើបអង្កេតនេះ ដើម្បីដឹងថា ជនដែលមិនបានទៅបោះឆ្នោតនោះ ជ្រលក់ចង្អុលដៃនឹងទឹកខ្មៅ ព្រោះចង់រួចបានរួចខ្លួនពីការប្រឈមមុខនឹងស្ថាប័នខ្លួន ឬរូបគេ មានចេតនាអ្វីផ្សេង។ យ៉ាងណា លោក មិនអាចបញ្ជាក់ឲ្យច្បាស់ឡើយថា អ្នកដែលមិនបានទៅបោះឆ្នោត ហើយលួចជ្រលក់ទឹកខ្មៅផ្សេង នឹងត្រូវមានទោសកម្រិតណា ដោយលោក អះអាងថា លុះត្រាតែឆ្លងកាត់ការស៊ើបអង្គេតលើរូបគេជាមុនសិន។
អ្នកនាំពាក្យរូបនេះ ថ្លែងដូច្នេះថា៖«[ការជ្រលក់ចអង្អុលដៃ ដើម្បីបំភាន់ថា បានទៅបោះឆ្នោត] គឺជាការបង្កើតព្រឹត្តិការណ៍ឲ្យមានការភាន់ច្រឡំដល់ការបោះឆ្នោត»។
ក្រៅពីមិនត្រូវជ្រលក់ចង្អុលដៃ ដើម្បីបន្លំថាបានបោះឆ្នោត លោក ហង្ស ពុទ្ធា បានផ្តល់អនុសាសន៍ដល់ប្រជាពលរដ្ឋ កុំឲ្យធ្វើសកម្មភាពមួយចំនួនផ្សេងទៀត ដែលនាំឲ្យខ្លួន ប្រឈមនឹងផ្លូវច្បាប់ដែរ។ អ្វី ដែលលោក ហាមប្រាមនោះ មានដូចជា មិនត្រូវបំផុសព័ត៌មាន ដែលធ្វើឲ្យប៉ះពាល់ដល់ទឹកចិត្តរបស់អ្នកបោះឆ្នោត និងមិនត្រូវបង្កសកម្មធ្វើឲ្យប៉ះពាល់ដល់ដំណើរការបោះឆ្នោត ជាដើម។
សូមបញ្ជាក់ថា អ្នកដែលមានឈ្មោះក្នុងបញ្ជីបោះឆ្នោត បានចេញទៅបោះឆ្នោតឃុំ-សង្កាត់អាណត្តិទី៥ នៅថ្ងៃទី៥ ខែមិថុនា ឆ្នាំ២០២២នេះ ដោយចាប់ផ្តើមពីម៉ោង៧ព្រឹក រហូតដល់ម៉ោង៣ល្ងាច៕
Tag:
បោះឆ្នោតឃុំ-សង្កាត់អាណត្តិទី៥
© រក្សាសិទ្ធិដោយ thmeythmey.com
