លិខិតអគ្គនាយកដ្ឋានពន្ធដារ បានស្នើឱ្យនាយកក្រុមហ៊ុនទាំង១៤ ចូលមកទូទាត់បំណុលពន្ធ មិនឱ្យលើសពី១៥ថ្ងៃ ក្រោយកាលបរិច្ឆេទនៃលិខិតអញ្ជើញនេះ ដោយអនុលោមតាមមាត្រា៩៤(ថ្មី) ចំណុចទី៦ កថាខណ្ឌ ខ នៃច្បាប់ស្តីពីសារពើពន្ធរបស់អគ្គនាយកដ្ឋានពន្ធដារ ។
 

កន្លងមកអគ្គនាយកដ្ឋានពន្ធដារ បានស្នើនាយកក្រុមហ៊ុនទាំងនោះ ចូលមកដោះស្រាយបំណុលពន្ធ ប៉ុន្តែពួកគេមិនបានចូលមកទូទាត់បំណុលពន្ធនោះទេ។ លិខិតអគ្គនាយកដ្ឋានពន្ធដារដដែល បានបន្ថែមថា ក្នុងករណីក្រុមហ៊ុនទាំង១៤ មិនចូលមកទូទាត់បំណុលពន្ធតាមកាលកំណត់ទេនោះ អគ្គនាយកដ្ឋានពន្ធដារ នឹងរក្សាសិទ្ធអនុវត្តតាមផ្លូវច្បាប់ជាធរមាន ។ 
 

គួរបញ្ជាក់ដែរថា ៤ខែដើមឆ្នាំ២០២២ អគ្គនាយកដ្ឋានពន្ធដារប្រមូលពន្ធ-អាករគ្រប់ប្រភេទចូលជាតិ ជាង​ ១ ៥០០លានដុល្លារ ស្មើនឹង៥៣,២៧ភាគរយនៃផែនការ ។ លោក គង់​ វិបុល អគ្គនាយកនៃអគ្គនាយកដ្ឋានពន្ធដារ រំពឹងថា ការប្រមូលពន្ធក្នុងឆ្នាំ២០២២ នឹងបន្តលើសផែនការ៕