ជាតិ
តើអ្នកស្គាល់ «ត្រីអំពិលទុំ» ទេ?
×
ដោយ៖ មច្ឆាខ្មែរ
«ត្រីអំពិលទុំ» គឺជាប្រភេទត្រីទឹកសាបមានស្រកា វារស់នៅក្នុងប្រព័ន្ធទន្លេសាប និងតំបន់វាលទំនាបលិចទឹក ក្នុងអាងទន្លេមេគង្គ។ យោងតាម «សៀវភៅមគ្គុទេសក៍ស្តីពី ប្រភេទត្រីរស់នៅក្នុងដែនទឹកសាប នៃប្រទេសកម្ពុជា» របស់វិទ្យាស្ថានស្រាវជ្រាវ និងអភិវឌ្ឍន៍ជលផលទឹកសាប នៃរដ្ឋបាលជលផល បានឱ្យដឹងថា ត្រីអំពិលទុំ មានឈ្មោះវិទ្សាសាស្រ្ត (Systomus rubripinnis) មានឈ្មោះជាភាសាអង់គ្លេស Javaen barb។
ត្រីអំពិលទុំ មានលក្ខណៈសម្គាល់ដូចជា៖ ជាប្រភេទត្រីរស់នៅតាមបឹង និងទន្លេនានា។ មានអុជក្រហមមួយនៅលើគម្របស្រកី។ នៅលើព្រុយកន្ទុយ មានឆ្នូតខ្មៅទាំងលើទាំងក្រោម។ មានស្តង់ដាប្រវែងដងខ្លួនដល់ទៅ ២២.១ ស.ម។
បើយោងតាមគេហទំព័រសហភាពអន្តរជាតិដើម្បីអភិរក្សធម្មជាតិ (IUCN) បានចាត់ចំណាត់ថ្នាក់ត្រីអំពិលទុំ ជាប្រភេទត្រី «ពុំមានព័ត៌មានជាក់លាក់តូ្រវបានកត់» Data Deficient (DD)៕
© រក្សាសិទ្ធិដោយ thmeythmey.com