យោងតាមទំព័រហ្វេសប៊ុកក្រសួងទេសចរណ៍ អ្នកចូលរួមព្រឹត្តិការណ៍ជិះកង់កម្សាន្តមិត្តភាពកម្ពុជា-ថៃ មានប្រមាណ ៦០០នាក់ ក្នុងនោះពលរដ្ឋក្នុងខេត្តកោះកុង ១៩២ នាក់។ ចំណែក អ្នកជិះកង់ ៤២១នាក់ទៀតមកពីខេត្តខេត្តត្រាត ស៊ីសាកេត  ឈៀងម៉ៃ  ស្រះកែវ កូរ៉ាត់ នគររាជសីមា និងខេត្តសុរិន្ទ នៃប្រទេសថៃ។
 

ការរៀបចំព្រឹត្តិការណ៍នេះ ដើម្បីពង្រឹងកិច្ចសហប្រតិបត្តិការមិត្តភាពកម្ពុជា និងថៃ។ លើសពីនេះ កម្មវិធីជិះកង់កម្សាន្តមិត្តភាពនេះ ក៏ចូលរួមបង្ហាញ និងផ្សព្វផ្សាយថាគោលដៅទេសចរណ៍ខេត្តកោះកុង និងខេត្តត្រាត ជាគោលដៅទេសចរណ៍សុវត្ថិភាព ដើម្បីជំរុញទេសចរផ្ទៃក្នុងទាក់ទាញទេសចរអន្តរជាតិ។ គោលបំណងនៃការរៀបចំព្រឹត្តិការណ៍នេះមួយទៀតគឺ អបអរដំណើរឆ្ពោះទៅកាន់ការប្រកួតកីឡា ស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ដែលកម្ពុជានឹងធ្វើជាម្ចាស់ផ្ទះរៀបចំព្រឹត្តិការណ៍កីឡានេះ។
 

សូមជម្រាបថា កម្ពុជា នឹងធ្វើជាម្ចាស់ផ្ទះលើកទី៣២ ដែលធ្វើឡើងចាប់ពីថ្ងៃទី៥ ខែ១៧ ខែឧសភា ឆ្នាំ២០២៣ និងការប្រកួតអាស៊ានប៉ារ៉ាហ្គេមលើកទី១២ នៅថ្ងៃទី៣ ដល់ថ្ងៃទី៩ ខែមិថុនា ឆ្នាំ២០២៣៕