តាមសេចក្ដីជូនដំណឹងរបស់ក្រសួងធនធានទឹក និងឧតុនិយម កម្ពុជានឹងរងឥទ្ធិពលចំនួនពីរ ដែលអាចបង្កឱ្យ មានភ្លៀងធ្លាក់កម្រិតបង្គួរទៅច្រើន រយៈពេលមួយសប្ដាហ៍ចាប់ពីថ្ងៃទី ៣-៩ ខែសីហា ។  រីឯ ផ្នែកខ្លះនៃខេត្តកោះកុង និងព្រះសីហនុ អាចមានជំនន់ទឹកភ្លៀង នៅ។ចន្លោះថ្ងៃទី ៦-៩ សីហា។
 

ការព្យាករណ៍របស់ក្រសួងធនធានទឹក និងឧតុនិយម តំបន់ទំនាបកណ្ដាល នឹងមានភ្លៀងធ្លាក់កម្រិតពីមធ្យមទៅបង្គួរ ក្នុងនោះផ្នែកខ្លះមានភ្លៀងធ្លាក់ច្រើន និងលាយឡំទៅដោយផ្គរ រន្ទះ និងខ្យល់កន្ត្រាក់។
 

ដោយឡែក នៅថ្ងៃទី៦ ដល់៩ ខែសីហា បណ្ដា​ខេត្តនិងរាជធានីនៅទំនាបភាគខាងត្បូង អាចមានភ្លៀងអាចធ្លាក់នៅក្នុងកម្រិតតិចទៅមធ្យម ដោយសារឥទ្ធិពល​ ហ្ទឺន ។ 

រីឯតំបន់ខ្ពង់រាប និងតំបន់មាត់សមុទ្រ  អាចនឹងមានភ្លៀងកម្រិតមធ្យមទៅច្រើន លាយឡំទៅដោយ ផ្គរ រន្ទះ និងខ្យល់កន្ត្រាក់។
 

តែនៅចន្លោះពីថ្ងៃទី៦ ដល់៩ ខែសីហា តំបន់មាត់សមុទ្រ  នឹងអាចមានភ្លៀងធ្លាក់ច្រើនជាបន្តបន្ទាប់ ដែលអាចធ្វើឱ្យផ្នែកមួយចំនួននៅក្នុងភូមិសាស្រ្តខេត្តកោះកុង និងខេត្តព្រះសីហនុ ប្រឈម នឹងជំនន់ទឹកភ្លៀង។ ជា​មួយគ្នានេះ នៅលើផ្ទៃសមុទ្រអាចមានភ្លៀងខ្យល់បក់បោកខ្លាំង និងរលកសមុទ្រខ្ពស់៕