ជាតិ
ពន្ធដារប្រកាសហៅម្ចាស់ក្រុមហ៊ុន២ទៀត ឱ្យមកទូទាត់បំណុល លោក គង់ វិបុល អគ្គនាយកនៃអគ្គនាយកដ្ឋានពន្ធដារ(GDT)
×
ដោយ៖ ចៀន និតា
អគ្គនាយកដ្ឋានពន្ធដារ ប្រកាសហៅម្ចាស់ក្រុមហ៊ុនចំនួន២ទៀត ឱ្យមកចូលខ្លួនទូទាត់បំណុលពន្ធរដ្ឋ។ នេះយោងតាមលិខតរបស់អគ្គនាយកដ្ឋានពន្ធដារ(GDT) នាថ្ងៃទី១សីហា។ ពន្ធដារ ប្រកាសហៅ នាយកក្រុមហ៊ុន ស៊ុន ជីនថេស្ថាយ ខេមបូឌា (SUNGIN TEXTLE (CAMBODIA) CO., LTD.) និងក្រុមហ៊ុន សុក ខូអិលធីឌី (MOEUN SOK CO., LTD) ដែលបានចុះបញ្ជីសារពើពន្ធ ឱ្យមកចូលខ្លួនទូទាត់បំណុលពន្ធឱ្យបានថ្ងៃទី១៥សីហា ឆ្នាំ២០២២។ លិខិតអញ្ជើញរបស់GDT បានបញ្ជាក់ថា៖ «អនុលោកតាមមាត្រា ៩៥(ថ្មី) ចំណុចទី៦ កថាខណ្ឌ ខ នៃច្បាប់ស្តីពីសារពើពន្ធ អគ្គនាយកដ្ឋានពន្ធដារ សូមអញ្ជើញលោកអគ្គនាយក[ក្រុមហ៊ុន] មកអគ្គនាយកដ្ឋានពន្ធដារ មិនឱ្យលើសពី១៥ថ្ងៃបន្ទាប់ពីកាលបរិច្ឆេទលើលិខិតអញ្ជើញ ក្នុងទំព័រសារព័ត៌មាននេះ ដើម្បីរកទូទាត់បំណុលពន្ធរដ្ឋ»។
អគ្គនាយកដ្ឋានពន្ធដារ បានព្រមានថា ក្នុងករណីបើក្រុមហ៊ុនមិនមកតាមការកំណត់នេះទេ គឺអគ្គនាយកដ្ឋានពន្ធដារ នឹងចាត់វិធានការតាមផ្លូវច្បាប់ប្តឹងទៅតុលាការដើម្បីផ្តន្ទាទោសតាមច្បាប់ជាធរមាន៕ © រក្សាសិទ្ធិដោយ thmeythmey.com