សុខភាព
អន្តរជាតិ
ហុងកុងនឹងសម្លាប់សត្វមាន់២ម៉ឺនក្បាល ក្រោយពីរកឃើញមេរោគ H7N9
× ក្រុមអាជ្ញាធរបានឲ្យដឹងកាលពីថ្ងៃចន្ទថា ហុងកុងនឹងសម្លាប់សត្វមាន់ប្រមាណជា២ម៉ឺនក្បាល ក្រោយពីបានរកឃើញមេរោគផ្តាសាយបក្សី H7N9 ក្នុងខ្លួនពពួកសត្វមាន់ដែលត្រូវបាននាំចូលពីប្រទេសចិន។ រោគសញ្ញាជាវិជ្ជមាននេះត្រូវបានរកឃើញរយៈពេលប៉ុន្មានថ្ងៃ ក្រោយពីទីក្រុងនៅភាគខាងត្បូងប្រទេសចិនមួយនេះ បានធ្វើណែនាំឲ្យមានការធ្វើតេស្តន៍សត្វមាន់ដែលនាំចូលមានជីវិត បន្ទាប់ពីការកើនឡើងនូវកង្វល់ផ្សេងៗជុំវិញសុវត្ថិភាពនៃការនាំចូល ជាពិសេសពីចិនដីគោក។
មនុស្សពីរនាក់បានស្លាប់ដោយសារតែមេរោគមួយនេះនៅហុងកុង បើគិតចាប់តាំងពីការបង្ករោគជាលើកទី១ត្រូវបានរាយការណ៍ជាសាធារណៈកាលពីខែធ្នូ។ កាលពីថ្ងៃសុក្រ ទីក្រុងនេះ បានណែនាំឲ្យមានការធ្វើតេស្ត៍ស្វែងរកមេរោគផ្តាសាយ H7N9ក្នុងសត្វមាន់ដែលមានជីវិត និងបានរកឃើញភ្លាមៗនូវមេរោគនេះក្នុងពពួកសត្វមាន់មួយក្រុម៕
ប្រែសម្រួលដោយ ផេង សំណាង
© រក្សាសិទ្ធិដោយ thmeythmey.com