សម្តេចនាយករដ្ឋមន្ត្រី ហ៊ុន សែន នាព្រឹកថ្ងៃពុធនេះ បានអំពាវនាវដល់បណ្តាក្រុមគ្រួសារដែលបែកបាក់គ្នាដោយសារជំនឿលើលោក ខឹម វាសនា ឲ្យមានការត្រូវរ៉ូវគ្នាវិញ ហើយចំពោះករណីក្រុមអ្នកជឿ មានបំណងវិលត្រឡប់ទៅមូលដ្ឋានវិញ អាជ្ញាធរមានរៀបចំរថយន្តសម្រាប់ដឹកពួកគេ ជាមួយនឹងបាយទឹក។

 

សម្តេចបានបញ្ជាឲ្យត្រៀមរថយន្តពីភូមិភាគ៤ និងកងពលធំលេខ២ លើការត្រៀមដឹកអ្នកអបិយជំនឿទាំងនោះ វិលត្រឡប់ទៅផ្ទះវិញ។

 

សម្តេច ហ៊ុន សែន បាននិយាយសំដៅទៅលោក ខឹម វាសនា ថា៖«ខ្ញុំមិនបង្ខំឲ្យឯកឧត្តមបោះបង់ចោល ដែលខ្លួនឯងអាងជាព្រះព្រហ្មនោះទេ»។ សម្តេចបានបញ្ជាក់ថា លោក ខឹម វាសនា អាចរក្សាជំនួប ប៉ុន្តែមិនត្រូវមានការរារាំងអ្នកចង់ត្រឡប់ទៅផ្ទះវិញនោះឡើយ។

 

ទោះជាយ៉ាងណាក៏ដោយ សម្តេចបានអំពាវនាវដល់អ្នកមានជំនឿទាំងអស់វិលត្រូវទៅផ្ទះវិញ ព្រោះរដ្ឋាភិបាលគ្មានគោលដៅដោះស្រាយដីធ្លីដល់អ្នកទាំងនោះឡើយ។ សម្តេចបាននិយាយបែបកំប្លែងថា លោក ខឹម វាសនា អាចយកដី១២ហិចតារបស់ខ្លួនទៅដោះស្រាយបាន។

 

«បើលោក ខឹម វាសនា ជេរខ្ញុំសូមកុំប្រកាន់ជាមួយគាត់»។ នេះជាការស្នើរបស់សម្តេច ហ៊ុន សែន៕