អន្តរជាតិ
នយោបាយអន្តរជាតិ
ប្រធានាធិបតីរុស្ស៊ី វ៉្លាឌីមៀ ពូទីន។ រូបថត AFP
×![]()
ដោយ៖ ហ៊ួយ ស៊ីវលី
ខណៈរុស្ស៊ីកំពុងជាប់ដៃធ្វើសង្គ្រាមជាមួយអ៊ុយក្រែន រដ្ឋបាលលោក ចូ បៃដិន បន្តលាតត្រដាងពត៌មាន និងគោលដៅនយោបាយរបស់ទីក្រុងមូស្គូក្នុងការព្យាយាមពង្រីកឥទ្ធិពលរបស់ខ្លួនក្នុងពិភពលោក។ ក្នុងរបាយការណ៍ចុងក្រោយ អាម៉េរិករកឃើញថា រុស្ស៊ីបានចំណាយលុយទៅលើគណបក្សបយោបាយ និងអ្នកនយោបាយបរទេសដើម្បីជ្រៀតជ្រែកក្នុងការបោះឆ្នោតថែមទៀត។
យោងតាមការវាយតម្លៃរបស់ចារកម្មអាមេរិកចេញនៅថ្ងៃទី១៣ ខែកញ្ញា ចាប់តាំងពីឆ្នាំ២០១៤ រុស្សីបានចំណាយលុយយ៉ាងតិច៣០០លានដុល្លារទៅឱ្យគណបក្សនយោបាយ និងបេក្ខជនតំណាងរាស្ត្រនៅក្នុង២៤ប្រទេសជាងក្នុងបំណងជះឥទ្ធិពលនយោបាយរបស់ខ្លួនទៅលើអ្នកនយោបាយ និងប្រទេសទាំងនោះ។ បើតាមមន្ត្រីអាម៉េរិក តួលេខដែលរកឃើញ ជាតួលេខអប្បបរមាប៉ុណ្ណោះ។
អាម៉េរិករំពឹងថា រុស្សីនៅតែមានការផ្តល់លុយបន្ថែមទៀតដោយសម្ងាត់ ដើម្បីទប់ទល់នឹងទណ្ឌកម្មអន្តរជាតិជុំវិញសង្គ្រាមនៅអ៊ុយក្រែន និងរក្សាឥទ្ធិពលរបស់ទីក្រុងមូស្គូនៅបរទេស។ រុស្ស៊ីបានចំណាយប្រាក់ប្រហែល៥០ម៉ឹនដុល្លារអាមេរិក ដើម្បីគាំទ្រគណបក្សប្រជាធិបតេយ្យអាល់បានីនៅក្នុងការបោះឆ្នោតឆ្នាំ២០១៧ ហើយក៏បានគាំទ្រគណបក្ស ឬបេក្ខជនតំណាងរាស្ត្រនៅក្នុងបូស្នី ម៉ុងតេណេហ្គ្រោ និងម៉ាដាហ្គាស្កាផងដែរ។
អ្នកនាំពាក្យក្រសួងការបរទេសអាម៉េរិកលោក Ned Price ប្រាប់សន្និសីទពត៌មាននៅថ្ងៃទី១៣ ខែកញ្ញាថា ការផ្តល់លុយសម្ងាត់ដោយរុស្ស៊ី ជាការរំលោភលើអធិបតេយ្យភាពរបស់ប្រទេសដទៃទៀត ដែលវាអាចកាត់បន្ថយជម្រើសរបស់ប្រជាជនក្នុងការជ្រើសរើសរដ្ឋាភិបាលដែលពួកគេគិតថាសក្តិសមបំផុតដើម្បីតំណាងឱ្យពួកគេ ផលប្រយោជន៍របស់ពួកគេ និងតម្លៃរបស់ពួកគេ។ យ៉ាងណាមិញ ការវាយតម្លៃថ្មីនេះមិនបានផ្តោតលើនយោបាយក្នុងស្រុករបស់អាម៉េរិកនោះទេ។ ប៉ុន្តែការវាយតម្លៃរបស់ចារកម្មអាមេរិកពីមុនរកឃើញថាទីក្រុងមូស្គូបានជ្រៀតជ្រែកនៅក្នុងការបោះឆ្នោតប្រធានាធិបតីអាម៉េរិកឆ្នាំ២០១៦ ដោយគាំទ្រលោក ដូណាល់ ត្រាំ តាមរយៈការប្រើប្រាស់ប្រព័ន្ធផ្សព្វផ្សាយសង្គម៕
ខណៈរុស្ស៊ីកំពុងជាប់ដៃធ្វើសង្គ្រាមជាមួយអ៊ុយក្រែន រដ្ឋបាលលោក ចូ បៃដិន បន្តលាតត្រដាងពត៌មាន និងគោលដៅនយោបាយរបស់ទីក្រុងមូស្គូក្នុងការព្យាយាមពង្រីកឥទ្ធិពលរបស់ខ្លួនក្នុងពិភពលោក។ ក្នុងរបាយការណ៍ចុងក្រោយ អាម៉េរិករកឃើញថា រុស្ស៊ីបានចំណាយលុយទៅលើគណបក្សបយោបាយ និងអ្នកនយោបាយបរទេសដើម្បីជ្រៀតជ្រែកក្នុងការបោះឆ្នោតថែមទៀត។
យោងតាមការវាយតម្លៃរបស់ចារកម្មអាមេរិកចេញនៅថ្ងៃទី១៣ ខែកញ្ញា ចាប់តាំងពីឆ្នាំ២០១៤ រុស្សីបានចំណាយលុយយ៉ាងតិច៣០០លានដុល្លារទៅឱ្យគណបក្សនយោបាយ និងបេក្ខជនតំណាងរាស្ត្រនៅក្នុង២៤ប្រទេសជាងក្នុងបំណងជះឥទ្ធិពលនយោបាយរបស់ខ្លួនទៅលើអ្នកនយោបាយ និងប្រទេសទាំងនោះ។ បើតាមមន្ត្រីអាម៉េរិក តួលេខដែលរកឃើញ ជាតួលេខអប្បបរមាប៉ុណ្ណោះ។
អាម៉េរិករំពឹងថា រុស្សីនៅតែមានការផ្តល់លុយបន្ថែមទៀតដោយសម្ងាត់ ដើម្បីទប់ទល់នឹងទណ្ឌកម្មអន្តរជាតិជុំវិញសង្គ្រាមនៅអ៊ុយក្រែន និងរក្សាឥទ្ធិពលរបស់ទីក្រុងមូស្គូនៅបរទេស។ រុស្ស៊ីបានចំណាយប្រាក់ប្រហែល៥០ម៉ឹនដុល្លារអាមេរិក ដើម្បីគាំទ្រគណបក្សប្រជាធិបតេយ្យអាល់បានីនៅក្នុងការបោះឆ្នោតឆ្នាំ២០១៧ ហើយក៏បានគាំទ្រគណបក្ស ឬបេក្ខជនតំណាងរាស្ត្រនៅក្នុងបូស្នី ម៉ុងតេណេហ្គ្រោ និងម៉ាដាហ្គាស្កាផងដែរ។
អ្នកនាំពាក្យក្រសួងការបរទេសអាម៉េរិកលោក Ned Price ប្រាប់សន្និសីទពត៌មាននៅថ្ងៃទី១៣ ខែកញ្ញាថា ការផ្តល់លុយសម្ងាត់ដោយរុស្ស៊ី ជាការរំលោភលើអធិបតេយ្យភាពរបស់ប្រទេសដទៃទៀត ដែលវាអាចកាត់បន្ថយជម្រើសរបស់ប្រជាជនក្នុងការជ្រើសរើសរដ្ឋាភិបាលដែលពួកគេគិតថាសក្តិសមបំផុតដើម្បីតំណាងឱ្យពួកគេ ផលប្រយោជន៍របស់ពួកគេ និងតម្លៃរបស់ពួកគេ។ យ៉ាងណាមិញ ការវាយតម្លៃថ្មីនេះមិនបានផ្តោតលើនយោបាយក្នុងស្រុករបស់អាម៉េរិកនោះទេ។ ប៉ុន្តែការវាយតម្លៃរបស់ចារកម្មអាមេរិកពីមុនរកឃើញថាទីក្រុងមូស្គូបានជ្រៀតជ្រែកនៅក្នុងការបោះឆ្នោតប្រធានាធិបតីអាម៉េរិកឆ្នាំ២០១៦ ដោយគាំទ្រលោក ដូណាល់ ត្រាំ តាមរយៈការប្រើប្រាស់ប្រព័ន្ធផ្សព្វផ្សាយសង្គម៕
Tag:
អាម៉េរិក
រុស្ស៊ី
© រក្សាសិទ្ធិដោយ thmeythmey.com
