បញ្ជីឈ្មោះកីឡាករជម្រើសជាតិកម្ពុជាត្រៀមប្រកួតមិត្តភាពអន្តរជាតិតាមការស្នើរសុំពីសហព័ន្ធកីឡាបាល់ទាត់បង់ក្លាដែស មានកីឡាករមកពីក្លិបចំនួន៨ ក្នុងនោះ(បឹងកេត)មានអ្នកចាំទី ហ៊ុល គឹមហ៊ុយ, ម៉ាត់ នូរុណ (វិសាខា)មានអ្នកចាំទី កែវ សុខសិលា, ឈង់ ប៊ុនណាត, អ៊ុក សុវណ្ណ, អ៊ិន សុដាវីដ, រឿង ប៊ុនហៀង (ភ្នំពេញក្រោន)មានសឿត បារាំង, ជួន ចាន់ចាវ, យ៉ើ សាហ្វី, ប្រាក់ ធីវ៉ា(ណាហ្គាវើលដ៍)មានអ្នកចាំទី ស៊ូ យ៉ាទី, គួច ដានី និងដាវ នីម។

 

ចំណែក(ព្រះខ័នរាជស្វាយរៀង)រួមមានអ្នកចាំទី អោម ឧត្តម, សឿយ វិសាល,គីម សុខយុទ្ធ ត្រាយ វិចិត្រ រីឯ(កងយោធពលខេមរភូមិន្ទ)មានកាន់ ពិសាល និងជឿន ណាចា ចំណែក (នគរបាលជាតិ)មាន វ៉ាន់ តៃឡាម៉ី។ ជាមួយគ្នានោះដែរក៏មានឈ្មោះកីឡាករកូនកាត់ខ្មែរ-អាមេរិក ថេឡរ នីកូឡាស់ ឌឿង ដែលប្រកបអាជីពនៅក្លិបបាល់ទាត់ (Orlando City SC)។

 

កន្លងមកគោព្រៃកម្ពុជា ធ្លាប់ប្រកួតទល់នឹងបង់ក្លាដែស ៤លើកក្នុងនោះកាលឆ្នាំ២០០៦ នៃពានរង្វាន់ AFC Challenge Cup កម្ពុជា ចាញ់២-១ ពានរង្វាន់ Nehru Cup (២០០៧)ក្រុមទាំងពីរស្មើ ១-១ ជំនួបមិត្តភាពនាទឹកដីបង់ក្លាដែស គោព្រៃចាញ់ ១-០ និងមិត្តភាពចុងក្រោយនាទឹកដីកម្ពុជា គោព្រៃបរាជ័យម្តងទៀតដោយចាញ់ក្នុងលទ្ធផល ១-០ ក្នុងឆ្នាំ២០១៩៕